Serchhip-ah Lok Adalat thutkhawm neih a ni

Inrinni khan Serchhip District Court-ah Lok Adalat thutkhawm neih leh a ni a, thubuai 28 lai chinfel niin cheng nuai 57 chuang hu thubuai chinfel a ni.
District Legal Services Authority (DLSA) bultuma tun tuma Lok Adalat thutkhawm hi Bench pahnih-ah neih niin Serchhip-a Chief Judicial Magistrate (MJS) R. Malsawmdawngzuala leh DLSA-a Member Secretary leh Judicial Magistrate First Class Josangzeli Tlau te kaihhruaiin neih a ni a, Bank-a leiba kaihhnawih thubuai 29 chhawpchhuah ah thubuai 13 chinfel niin hei hi Rs. 48,25,762/- hu a ni a. Thubuai dang chi hrang hrang, Civil Case 35 chhawpchhuah ni bawkin heng zingah hian 15 te chu chinfel a ni bawk a, hei hi Rs. 8,78,439./- hu niin a vaia thubuai chhawp-chhuah 64-ah 28 chinfel niin Settlement Amount chu Rs. 57,04,201/- a ni.