Health Minister in lawmpui
Health Minister Pisa-a he hun hman ah hian Mizoram atanga Nurse thawk tha chawimawina ngaihhlut hlawh tak National National Florence Award dawngtu H. Mankimi chu thinlung taka a lawmpui thu Health Minister chuan a sawi a, a inpekna leh hnathawh ropui takte chu midangte'n entawn se a duh thu a sawi a. Nurse tha chherchhuah kawngah tanlak a pawimawh thu pawh sawiin, an kutah thui tak nunna a innghah tlat avangin mawhphurhnate rinawm leh taima taka hlenchhuah zel a tul thu a sawi a. Mizoram Health Care tihmingmawitu pawi-mawh tak Nurse-te chu damlo anmahni pantute tana dawr nuam leh hawihhawm nih tum turin a chah bawk.
Award dawngtu H. Mankimi pawhin Health & Family Welfare Minister-in lawmpuina a buatsaih avanga a lawm thu sawiin, a hnathawh chhunga nu leh naute dinhmun a ngaihpawimawh thin dante leh rinawm taka hna a thawh thin dante a sawi a. Amah ang bawka Nurse hna thawkte chu an rawngbawlna ngaipawimawh tur leh inpekna nena theihtawp chhuah thin turin a sawm a ni.
He hun hi H&FW Secretary Sangchhin Chinzah chuan kaihruaiin Lalchhanhimi, Jt. Director, Directorate of Nursing, H&FW Department-in National Florence Nightingale Award chungchang report a pe bawk a ni.
Health & Family Welfare Department hnuaia din Selection Committee chuan kumin a National Florence Nightingale Award atan hian Nurse 3-te a nominate a, an zing atang hian H. Mankimi, Ward Superintendent (Rtd.) chuan he chawimawina ngaihhlut hlawh tak hi a dawng ta a ni. Nomination thehluh lai hian H. Mankimi hi District Hospital Serchhip-ah Ward Superintendent hna thawk lai mek a ni.
Comments
Post a Comment