MUP ten DSWO Office tur Bawrhsap an sawipui

Mizoram Upa Pawl (MUP) Serchhip District Hqrs. hruaitute chuan niminpiah tlai khan Serchhip District Bawrhsap Paul L. Khuma hmuin Serchhip-a District Social Welfare Officer (DSWO) Office hawn chungchang an sawipui.
MUP Serchhip District Hqrs. hruaitute hian Serchhip-a DSWO Office hawn a nih theihna tura Chief Minister hnena an lo thlen tawh bawhzuina atan Bawrhsap hi an hmu a, Bawrhsap hian Serchhip DC Complex-ah hmun awl remchang an neih thu leh Social Welfare Department-a Secretary pawh hemi chungchang hi a lo hrilh tih MUP hruaitute chuan LENKAWL an hrilh a, he Office hi Serchhip in kan la neih loh avang leh a bik takin Upa Pawl ten harsatna tam tak an tawh avangin hetianga Bawrhsap in a lo chhang chu an lawm hle tih an sawi a ni. MUP hruaitute chuan Serchhip-ah DSWO Office a awm loh avanga harsatna an tawh hrang hrang sawiin, Bawrhsap hnenah hian DSWO Post pawh siam tur leh Office sakna tur sum pawh Central atanga hmuh mai tur a nih thu Director in a a lo hrilh tawh thu te an thlen a ni.