Swachhata Hi Seva 2024 hawnna neih a ni

Faina beihpuihthlakna tura hmalakna, Swachhata Hi Seva 2024 chu nimin khan ramchhung hmun dangte rualin Mizoram-ah kalpui tan a ni.

Swachhata Hi Seva 2024 hi tun thla ni 14 atanga thla thar October ni 1 inkarah kalpui a ni dawn a. Aizawl-ah chuan UD&PA Minister K. Sapdanga hoin faina kawnga thawkchhuak tura thutiam, Swachhata Pledge sawi rualna chu MYC Auditorium-ah hman ni a, hetah hian MINECO-a thawktu hrang hrang leh sawrkar mi pawimawh te an tel a ni. Home Minister chuan faina a pawimawh zia sawiin, mi tinte faina lam kawnga hmalak theuh a pawimawh thu a sawi a. Kumin Swachhta Hi Seva thupui atan ‘Swabhav Swachhata-Sanskaar Swacchta’ tih chu thupuia hman a ni.

Kumin a Campaign hi a hmingah ‘Black Spot’ tih phuah niin hnawmhnawk inchhekkhawm, khawtlangin rei tak a lo ngaihthah tawh, boruak leh mipui hriselna atan pawha pawi thei tur zawnchhuaha thenfai chu hna pui ber tur pakhat a ni dawn a. District-a hmalakna tur zingah hian bawlhhlawh thenfai hnatlang bakah Health Camp buatsaih te, Quiz leh Essay hmanga intihsiak te, College te nen thawkho a hmalak leh mipui hrilhhriatna hun hrang hrang buatsaih te a tel a, faina leh thianghlimna chu nunphung pangngai a nei tura inzirtir chu ngaihpawimawh a ni.