MSPMC thutkhawm nei

Mizoram State Project Monitoring Committee chuan nimin khan an Chairman leh Chief Minister Lalduhoma hovin CM Conference Hall-ah Member pum huap thutkhawm tum thumna neiin an hmalak tawh chin te an thlirlet a, hun reilote chhunga hmalakna engemawzat an kalpui hman avangin Project Monitoring Committee te chungah Chief Minister chuan lawmthu a sawi a. An hnathawhte chuan rah tha a chhuah ngei dawn tih a sawi bawk. He thutkhawm ah hian Member thar te an awm avangin inhmelhriatna hun hmangin Member Secretary thar Er. Lalthanzuala Ralte chuan project an endik 25 te report a pe a. Heng project tina thil fel lo nia an hriat an hmuhchhuah leh rawtna an thehluhte chu an sawiho nghal zel a. Hmalak zui dan tur thu-tlukna an siam bawk a ni.