Man tlawma inzuar Company hriatpui ni lo tih sawi

Mizoram Home Appliances Distributors Association chuan Home Appliances bungrua man tlawma inzuar mekte chu Company hriatpuina a ni lo tih mipuiten hriat sak se an duh thu an sawi.

Mizoram Home Appliances Distributors Association hian tunlai hian YouTube leh Social Media kaltlang Home Appliances bungrua brand hrang hrang Sony, LG, Samsung, Godrej, Haier, Panasonic, Lloyd, Whirlpool, IFB etc te tlawm taka Discount-a hralh thei ang a inzuar an awm mek tih sawiin, “Home Appliances bungrua man tlawma inzuar mekte hi Company hriatpuina a ni lo tih mipuiten min hriat sak se kan duh a. An bungraw zawrh hi warranty a awm loh bâkah, Authorised Service Centre ten service an pêk ngai loh a ni,” an ti a. Hetiang bungruate hi siam fuh tâwk loh avanga a company in zawrh tlâk lova a ngaihte a nih bâkah, a phurhnaa a chhia awmte a ni tih pawh sawiin, “Authorised Service Centre ten repair tlak lova an ngaih leh Warranty Period a Customer te lei tawh defect a awm avâng a return leh te hi Company ten man tlawm taka an tihral thin a nih avângin hetiang bungraw te hi man tlawm te te a hralhchhuah theih an ni thin a ni,” an ti a. “Trade defective products company in zawrh tlak loh a an ngaih tlawm te te (scrap) anga hralh a nih tawh avangin Serial number te pawh Company record atang a paih (blocked) vek an nih tawh avangin Service Center lam hian Warranty leh After Sales Service-ah hma an laksak thei lo a ni,” an ti bawk.