DD dinchampha vawi 65-na

Nimin September 15, 2024 kha Doordarshan din champhaphak kum 65 niin hemi pual hian DD Mizoram pawhin nimin tlai khan 'Doordarshan Mipuite tan' tih thupui hmangin hun an hmang a ni. Doordarshan hi Sawrkar laipui Ministry of Information and Broadcasting hnuaia mi niin September 15, 1959 khan din a ni a, Mizoram-ah chuan October 1982 khan Tuikhuahtlang, Aizawl-ah Very Low Power Transmitter (VLPT) bun niin Aizawl DDK PPC chu June 12, 1995 khan hawn a ni a. DDK Aizawl hi hmarchhak-a live-a news puang hmasa ber dawttu niin kum 2020 khan Channel hming ‘DD Aizawl’ tih thin chu ‘DD Mizoram’ tia thlak a ni.