Aadhaar chungchang ah hriattirna tichhuak

Mizoram sawrkar General Administration Department (GAD) chuan tunhnai khan thuchhuah siamin mipuite Aadhaar-a inziaklut turin kum bithliah a awm lo tih an tarlang a, nausen pianghlim pawh Aadhaar-a ziahluh theih niin Nausen piang hlim leh naupang kum 5 aia upa lo te chu a nu emaw, a pa emaw Aadhaar number leh a Birth Certificate kengin Aadhaar Enrolment Centre-a ziahluh theih a ni. Heng kum bithliah (kum 0 - 5) te hi Aadhaar Enrolment tihsak an nih hian an thla lak a ni a, biometric chhinchhiahna dang, kutzethla (fingerprint) leh mit naute (iris) zia nemkai chu tih a la ngai ve lo a ni. Naupang chu kum 5 a lo tlinin Biometric Update a ti ngei tur a ni a, a kutzethla (fingerprint) lak leh mit naute  (iris) zia lak a ni ang. Kum 15 a tlinin Biometric Update a ti leh ngei tur a ni tih an tarlang bawk.