ASF hri leng ziaawm zel

Serchhip District-a African Swine Fever (ASF) hri leng chuan ziaawm lam a pan ve hret hrer zel a, ni khat-a Vawk thi chhinchhiah pawh a tlem hret hret a ni.

Nimin khan Serchhip District-ah hian ASF vanga Vawk thi 11 chhinchhiah leh a ni a, heng zinga 5 chu Chhiahtlang khuaah niin New Serchhip South-ah 3 leh Baktawng-ah 2 te an thih bakah East Lungdar-ah pakhat a thi bawk a ni. Nimin khan hri leng darh zel tur venna atana Vawk suat 11 bawk awmin New Serchhip South-ah 4, Baktawng leh Chhiahtlang khua ah pahnih ve ve leh Chhuanthar Tlangnuam, Ser-chhip P&E Veng leh Serchhip Kawnpui-ah pakhat theuh te an ni.

Heti hian kumin chhungin Serchhip District-a ASF vanga Vawk thi chu nimin thleng khan 3213 a tling tawh a, Vawk 6450 suat ni tawh bawkin ASF hri leng hi khaw 31-a chhungkaw 1993 ten an tuar tawh a ni.