Khawzawl-ah OSC hawng

Tuichang Bialtu MLA leh Deputy Govt. Chief Whip W. Chhuanawma chuan nimin khan Khawzawl Zuchhip Veng-ah ‘One Stop Centre’ (OSC) a hawng a, Khawzawl District chhunga hmeichhe buaina leh harsatna hrang hrang tawk te'n an tangkai pui a, an taksa leh rilru hriselna a lo that phah zawk ngei a beisei thu a sawi a, hetiang tanpuina mamawh an tlem phah a beisei thu a sawi bawk. One Stop Centre (OSC) hi Nirbhaya Fund hnuaia Scheme pakhat niin, Mizoram-a a hmasa ber atan October, 2016 khan Aizawl-ah din a ni a. Ministry of Women and Child Development (MWCD) hnuaia hmeichhiate chunga hleilenna eng chi pawh thleng thei laka an lo him zawk nan leh an dinhmun tih changtlunna atana buatsaih project pakhat a ni.