ASF ziaawm hret hret

Serchhip District-a Vawk natna, African Swine Fever (ASF) hri leng chuan ziaawm lam a pan hret hret zel a, nimin khan khaw pahnih ah ASF vanga Vawk thi pali (4) chhinchhiah niin Chhiahtlang-ah pathum leh Serchhip Chhim Veng ah pakhat te a ni a, nimin khan Vawk suat erawh la tamin Khawlailung-ah 30, East Lungdar-ah 9, New Serchhip North-ah 5, New Serchhip South-ah 3 leh Chhiahtlang-ah pakhat suat a ni bawk. Heti hian kumin chhungin Serchhip District-a ASF vanga Vawk thi chu nimin thleng khan 3250 a tling ta a, Vawk 6562 suat ni tawh bawkin chhungkaw 2007 ten ASF hri lang avang hian harsatna an tawk tawh a ni.