Vawk thi 14 awm belh leh

Nimin khan Serchhip District-a veng leh khua 5-ah African Swine Fever (ASF) vanga Vawk thi 14 chhinchhiah leh a ni a, heng te hi Khawlailung-ah 6, Chhuanthar Tlangnuam-ah 3, Baktawng leh East Lungdar-ah 2 ve ve leh New Serchhip North-ah pakhat te an ni a. Nimin vek khan Serchhip District-ah Vawk 27 te chu suat leh a ni a, New Serchhip North-ah Vawk 15 suat niin Khawlailung-ah Vawk 6 suat niin East Lungdar-ah 4 leh Chekawn leh Serchhip Kawnpui-ah pakhat ve ve suat a ni bawk. Heti hian kumin hian Ser-chhip District-ah ASF vanga Vawk thi 3201 awmin Vawk 6439 suat a ni tawh bawk a ni.