Kolasib District Planning Committee thutkhawm nei

Kolasib District Planning Committee chu nimin khan thukhawmin hmalakna tur hrang hrang an sawiho.

Kolasib DC Conference Hall-a Kolasib District Planning Committee thukhawm hi an Chairman leh District Bawrhsap Robert C. Lalhmangaiha chuan kaihruaiin he huna tel Kolasib bialtu MLA leh Deputy Speaker Lalfamkima chuan he thutkhawm a Project pawimawh tak tak chhawpchhuah a ni chu a lawmawm a tih thu sawiin, an Project siam te chuan kuthnathawktute hmakhua ngai rana intodelhna leh hmasawnna lam huam thei se Economic lamah pawh hma an sawn phah dawn hle tih a sawi a. Heng Project te hi an pawm a nih pawhin tunlai a Mizoram hmun hrang hranga an tawn zeuh thin, a Veng neitute ta bik emaw ti a ngaih thinna chu awm tawh lovin, Kolasib District chhung awh, mipuite intawm a ni tih thinlung an put a pawimawh thu a sawi bawk.

Serlui Bialtu MLA Lalrinsanga Ralte pawhin District Development Project anih ang taka Kolasib khawchhung mai ni lo, District huap zo Project siam a pawimawh thu a sawi a, Kolasib chu District dang anglo taka ramri dep a awm an nih avangin, Project siamtute pawhin uluk taka an ngaihtuahna te senga ramri depa awm te hmasawnna siam thei tur Project te chhawpchhuah a tul takzet tih a sawi bawk.

He thutkhawm ah hian Cheng vbc. 234.15 senna tur Construction of Multipurpose Centre at Project Veng Kolasib te; Cheng nuai 55 senna tur Renovation of Taitesena Hall, Venglai Kolasib leh cheng vbc. 21.15 senna tur Construction of Recreational Centre at Khuang-puilam te chu State Level atan District Planning Committee in a chhawpchhuah sak tura pawm a ni a, Department atanga lut Tui lakna tur Project 4 leh Silchar-a Mizoram State Transport Centre tihchangtlunna turte pawm a ni bawk.