Mipuite chiai lo turin ngen

Mizoram chak lakna kawngpui chhia avanga mipui mamawh hrang hrang phurhluh khaihlak deuh mahse Supply Department chuan mipuite chiai lo turin an ngen. Food, Civil Supplies & Consumer Affairs Department Director chuan niminpiah khan thuchhuah siamin, Mizoram chak lakna kawngpui, Aizawl leh Kolasib inkar chhia avanga Oil phurhluh a khaihlak chhungin mipuite chiai lo turin a ngen a, PWD ten theihtawp chhuahin kawng siamthat hna an thawh mek thu leh siam that thuai beisei a nih thu a sawi a, Petrol Pump ten Oil pek chhuah dan tur thupek awm sa an zawm that zel a tul thu leh lirthei a thun bak chu bur hmanga pechhuak lo turin a ngen nawn a, mipuite pawhin harsatna hrethiam a, mahni lirthei a thun theih bak la khawm lo turin a ngen bawk a ni.