C&I Minister in Border Trade chungchang sawipui

Commerce & Industries Minister F. Roding-liana chuan niminpiah tlai khan Ministry of External Affairs-a Joint Secretary (Bangladesh leh Myanmar changtu) B. Shyam IFS chu a Pisa-ah kawmin Mizoram leh a thenawm Bangladesh leh Myanmar te nen a insumdawntawnna tha zawka kalpui dan tur a sawipui a. B Shyam hian India Sawrkar in Myanmar ram chhung Paletwa thlenga Power Supply pek a, chumi hnuah Sittwe Port thleng a pek a duh thu Power Minister ni bawk hi hrilhin, Mizoram Sawrkar chu thawhdun puiah a sawm a. Power Minister hian Power Department pawhin DPR te siam a tih hlawhtlin an inhuam thu a lo hrilh a ni.

Mamit District-a Silsury khaw ep Bangla-desh lam a Market a that avangin Silsury emaw a bulhnai remchang laia Integrated Check post emaw, Land Custom Station sak vat a nih theih dan turte pawh sawiin, KMMTTP hnathawh mek a harsatna awm te leh heng harsatna te hi chinfel a nih theih dan turte a lo sawipui bawk a. Bangladesh nen Lei dawha a inkalpawhna tur ruahman sa Integrated Check Post Kawrpuichhuah bula leihlawn (bridge) siam tur chu Myanmar lamin remtihna (approval) an pek vat theih nan leh hna-thawh bul tan a nih vat theih nan sawrkar laipui ah lo nawr pui turin Minister hian a ngen bawk a ni.