MSO in lungawi loh lantir

Zirtirtu hna lak chungchangah an ngenna anga hmalak ni loa an ngaih avangin Mara Students’s Organisation (MSO) General Hqrs. Siaha chu nimin khan MADC Office kawt-ah lungawilohna lantir in an pungkhawm.

Kumin July ni 12 khan MADC chuan Mara ramchhung ah zirtirtu indaih-lohna hnawhkhat turin Primary School leh Middle School Teacher hnaruak Advertisement a tichhuak a, dik leh fel taka lak a nih theih nan MSO Gen. Hqrs. Siaha chuan MADC sawrkar hruaitu leh zirna lam mawhphurtute an thutkhawmpui tawh thin a, ngenna an siam zingah zirtirtu hna lak turah NCTE Prescribed ah chuan Trained Teacher te chauhin naupang an zirtir thei tawh ang tih anih avangin B.Ed leh D.El.Ed zo tawh emaw, Final Semester Result nghak mek emaw te chauh in dil theih nise ti a. MSO ten an ngenna hi MADC chuan ti hlawhtling lovin, B.Ed leh D.El.Ed zir mek tawh phawt dil theiha an kalpui avangin hetiang hian lungawi lohna hi an lantir ta a ni.