DIET Serchhip in an titha; Top 10-ah 4 an lang phak

Mizoram Board of School Education (MB-SE) chuan kumin-a Diploma in Elementary Education (D.EI.Ed) Exam result chu nimin khan tichhuakin DIET Serchhip atanga Exam ten an titha hle.
MBSE in nimin-a Diploma in Elementary Education (D.EI.Ed) Exam result a tihchhuah ah hian DIET Serchip atang hian 4th Semester atanga Exam mi 47 awmin mi 46 in an pass a, mi pakhat erawh Fail in pass zinga mi 12 te hi Distinction-ah an pass a, midang 34 chu 1st Division-ah an pass thung a ni.

Tun tuma D.El.Ed Exam result chhuak ah hian DIET Serchhip atang hian Mizoram puma a titha zual thlanchhuah 10 zingah mi 4 lai an lang a, Lalbiakmawia S/o Lalbiakthanga, Vanchengte chu pathumna niin Zairemmawia S/o K. Lalthansanga, Sialhau chu pangana a ni a, Angelee Lalruat-mawii D/o Lalnunpuia, Sialsuk chu pariatna niin Lalpianmawii D/o Lalrintluanga, Kanghmun South chu pakuana a ni bawk.

MBSE in kumin-a D.El.Ed Exam a buat-saih ah hian Mizoram pumah mi 449 exam in 419 an pass a, pass percentage chu 93.31% niin Distinction-ah 93, 1st Division-ah 325 leh 2nd Division-ah mi pakhat an pass a ni.

Mizoram Board of School Education (MBSE) hian kumin July 30-a Mizoram Teacher Eligibility Test (MTET) a buatsaih result pawh nimin vek khan a tichhuak bawk a, Paper-I ah mi 1115 ten Test hi hmachhawnin 255 an tling a, Paper-II ah mi 1416 ten Test hmachhawnin mi 636 ten an paltlang bawk a, Serchhip Centre atangin kumin hian mi 137 ten Test hi hmachhawnin Centre hrang hrang result hi a hrana siam a nih loh avangin Serchhip Centre atanga paltlang zat hi hriat mai theih a ni rih lo a ni. MTET Exam Zirtirtu Training chhuak tawh te leh Final Result nghak mekte tan chauh hmachhawn theih niin D.El.Ed zir zo te pawhin MTET an paltlang loh chuan Zirtirtu hna hi an thawk thei lo a ni.