Mizoram Oil Tanker Driver Association (MOTDA) leh Petroleum Entrepreneurs’ and Transporters’ Union of Mizoram (PETUM) te chuan Inrinni khan Joint Meeting neiin Kawnpui leh Sairang inkar kawngpui chu Tualhthei phur (Oil Tanker) tan chetsual hlauhawm khawpa a chhiat mek thu an sawi a, Kawng chhia a tlan luih avang hian Petrol leh Diesel baw palhin chhiatna nasat tak a thlen theih thu leh kawng chhia avang hian Oil Tanker engemaw zat chu senso sang taka siam ngai a nih mek avangin Petrol leh Diesel lakluh chu a hautak ta hle tih an sawi a. Hei vang hian Kawnpui leh Sairang inkar kawng chhe zualpuite siamthat a nih hma chuan naktuk, Sept. 17, 2024 atang chuan Tuialhthei phur (Oil Tanker) te tlan chhunzawm tir tawh loh mai nise an ti bawk.
Serchhip-a Petrol Pump awmchhun PB. Lalzuithanga Filling Station chuan tun dinhmun ah tuialhthei lakkhawl sa an la nei nual tih an sawi a, amaherawh chu Bur-a dawh phal lovin an semrual mek thu leh Vawiin lamah an semrual dan tur hi a chian theih an beisei thu an sawi a ni.
Comments
Post a Comment