Mizoram Presbyterian Kohhran-a Senior Department te chuan nimin Pathianni hmang khan Pastor Bial hrang hrangah Inkhawmpui an nei a, Serchhip Pastor Bial pawhin Serchhip Hmar Veng Kohhran-ah inkhawmpui hi neiin Serchhip Vengchung Pastor Bial ten Serchhip Vengchung Kohhran Biak In-ah leh New Serchhip Pastor Bial ten Penial Kohhran Biak In, IOC Veng-ah te Senior Department Inkhawmpui hi an nei a ni.
Kum 1947 Sunday School Committee chuan, “Nula leh Tlangval Sande Sikul Pawl zirlai hran neih rawtna kha a la ding zel a, zawiin la ngaih-tuah se tih a ni” tiin a rel a, kum 1954-ah Senior Department hi dinin Report thar bera tarlan danin MSSU hnuaia Senior Department-ah Zirtirtu 5289 leh Zirtu 33119, an vaiin 38408 an awm a ni.
Comments
Post a Comment