Mutih Pangang khawitute tan Training buatsaih

Sericulture Department chuan Serchhip District-a Silk Samagra-2 hnuaia Eri Silk Development Project hnuaia Mutih Pangang khawitute tan nimin khan New Serchhip YMA Hall-ah Training an buatsaih.

He Training hi Serchhip-a District Sericulture Officer (DSO) K. Lallawmzuali chuan kaihruaiin Silk Samagra-2 chungchang a sawi bakah he hmalakna kalpui a nih dan te a sawifiah a, ani bakah hian Ramlalliani Zadeng, SEO Serchhip leh C. Lalramsiama, Rearer i/c Baktawng Circle te chuan Pangang khawina In sak dan tur leh Pangang khawitu tana hriattur pawimawh hrang hrangte chu he huna kalkhawmte hi an zirtir a. Baktawng Circle-a ASR, Vanlalmawii chuan Sericulture Department & Research Entension Centre, Central Silk Board te tangkawpin 'Eri Silk Spinning and Dyeing training' an buatsaih an thil zir te chu he huna kalkhawm te hnenah hian a sawifiah bawk a ni.

Silk Samagra-2 hnuaiah hian Serchhip District-ah hian Eri pangang, Mizo in Mutih Pa-ngang kan tih khawitu mi 63 an awm a, nimin-a he Training buatsaih ah hian kalkhawm ten an hriat fiahloh hrang hrangte zawtin inhrilhfiah a ni bawk.