Department atangin Taxation Department paih a ni

Mizoram sawrkar-a Taxation Department chu Mizoram Sawrkar hnuaia Department hming hrang hrang atanga paih a ni a, Taxation hi Department hrang anga awm tawhlo in Finance Department hnuaiah a awm tawh dawn a ni.

Hemi chungchanga sawrkar thuchhuah tarlan danin Department hranga Taxation Department awm thin chu paih niin Taxation Department chu sawrkar Department hrang hrang zing atangin telh a ni tawh dawnlo tih a tarlang a ni.

Chief Minister Lalduhoma chuan Mizoram Assembly thutkhawm hnuhnung berah khan Taxation Department chungchang hi lo sawi tawhin, Taxation Department chu tuna a awmdan ang tho in tih danglam lohin Finance Department hnuaiah a awm tawh dawn tih a sawi a, a Pisa leh thawktute pawh tih danglam ni lovin a pangngai ang vekin a kal dawn tih a sawi a ni.

Chief Minister chuan Finance Department chungchang sawiin, 16th Finance Commission atana inbuatsaihna atan Cell an din leh hmalak an tumna ah Taxation Department a tel theih loh avangin sum lakluhna tura ruahmanna siam turah Department hrang anga thawh tawn chu hun senral a uihawm bakah harsatna neuh neuh a awm thin tih a sawi a, Department khat hnuaia awm chuan awlsam zawk leh chak zawka hnathawh a ni thei dawn tih a sawi a ni.