Serchhip District-ah COVID-19 hri kai hmuh-chhuah tam ber ni thleng leh
Serchhip District-ah COVID-19 hri kai an pung zel a, nimin khan hri kai mi 256 zet hmuh belh leh niin Serchhip District-ah ni khat-a hri kai hmuh tam ber ni a thleng leh a ni.
Posts
END ten Serchhip-a lut tur Heroin an man
Serchhip-a Excise and Narcotics Department leh Serchhip Sub-Hqrs. YMA Anti-Drug Squad te chuan nizan hmasa dar 12:30 vel khan Serchhip leh Keitum inkar Chuanhnuai-ah Heroin No. 4 Hawng 22 (gram 274.93) an man a, a neitu nia hriat Lalro-tluangi (43), Serchhip Chhim Veng pawh man nghal niin thubuai siam sak nghal a ni. Heroin No. 4 hi Hawng khat Rs. 25,000/- a lak niin tuna an man hlut zawng hi Rs. 550,000/- nia chhut a ni.
COVID-19 vaccine pe chhunzawm zel
Serchhip District chhunga kum 15-18 te hnena COVID-19 Vaccine pek hna chu nimin khan a ni 2-na atan chhunzawm leh a ni a. Nimin khan kum 15 leh 17 inkar mi 527 te hnenah COVAXIN pek leh niin niminpiah a lo pek tawh te nen nimin thleng khan mi 1257 te hnenah vaccine dose 1-na pek a ni tawh a, nimin vek khan kum 18 chin chunglam mi 5 te COVAXIN pek an ni bawk. Nimin khan kum 18 chin tan Covishield dose 1-na mi 143 te hnenah pek ve leh a ni bawk a. Heti hian nimin bikah mi 676 te hnenah COVID-19 Vaccine Dose 1-na pek niin mi 67 te hnenah Dose 2-na pek a ni bawk. COVID-19 Vaccine hi khaw hrang hrangah pek mek a ni.
MJA kum 50 tlin lawmna Serchhip-ah nei
Mizoram Journalist Association (MJA) kum 50 tlin lawmna chu nimin khan Mizoram District hrang hrangah neih a ni a, MJA Serchhip District pawhin MJA Golden Jubilee lawmna hi Serchhip Press Club-ah an nei a ni.
Kangmei venna a hmalak dan tur ngaihtuah
Serchhip District Level Committee on Fire Prevention chu nimin khan thukhawmin kumin Thal chhunga kangmei venna kawnga hmalak dan turte an ngaihtuah.
Bawrhsap in Serchhip College a lawmpui
Tunhnaia NAAC Grade A hmu thar Govt. Serchhip College chu nimin khan Serchhip District Bawrhsap Kumar Abhishek chuan an hlawhtlinna lawmpuina hun DC Meeting Hall ah a buatsaih sak.
Inkhawm kaihhruaina siam thar niin Mizoram-ah zan lama inkhawm khap leh rih a ni
COVID-19 hri leng mek avangin Serchhip District-ah Inkhawm kaihhruaina tihchhuah thar a ni a, Biak In-ah zai khap niin Mizoram pumah zan lama Inkhawm phal a ni tawh lo bawk.
Serchhip District-ah hri kai hmuh tam ber ni a thleng leh ta
Serchhip District-ah nimin khan COVID-19 hri kai hmuh tam ber ni thleng lehin nimin bikah hri kai mi 147 zet hmuh leh an ni.
Kum 15 chin chunglam Vaccine pe in kum 18 chunglam te pawh pek leh an ni dawn
Serchhip District chhunga kum 15 atanga 18 te hnenah nimin atang khan COVID-19 Vaccine pek tan a ni a, nikum lama vaccine la tawh te hnenah karleh atang khian Precaution Dose pawh pekchhuah tum a ni.
NAAC Accreditation-ah A Grade hmu
Govt. Serchhip College chu nikum December thla a NAAC Accreditation Peer Team ten an rawn enfiah hnuah A Grade pek an ni a, tun dinhmun ah Mizoram College hrang hrang zingah A Grade nei mek awmchhun an ni.
MJA kum 50 tlin lawmna nei tan dawn
Mizoram Journalist Association (MJA) in kum 50 a tlin lawmna chu Vawiin atang hian Mizo-ram District hrang hrangah neih a ni dawn.
H&TE Minister in Principal te Meeting neihpui
Higher & Technical Education Minister Dr. R. Lalthangliana chuan nimin khan SAD Conference Hall-ah Mizoram Sawrkar hnuaia College Principal zawng zawngte ko khawmin meeting a neihpui.
RD Minister in sawrkar laipui a dawr
Sawrkar laipui hotute dawr-a New Delhi-a kal Rural Development Department Minister Lalruat-kima chuan niminpiah khan RD Ministry-a mi pawimawh te a kawm.
Agriculture Minister in mamawh te a thlen
Nimin khan Union Minister for Agriculture Narendra Tomar leh DoNER Minister G. Kishan Reddy te hovin Hmarchhak Agriculture Minister te chuan Video Conferencing kaltlangin Hmarchhak state hrang hranga Lo neih leh tharchhuah chungchangte leh heng kaihhnawiha an hmachhawp leh harsatna te an sawiho.
Thenzawl-ah Wellness Centre hawn a ni ta
Ministry of Tourism Scheme, Integrated Development of New Eco Tourism Destination under Swadesh Darshan – North East Circuit at Thenzawl & South Zote, District Serchhip & Reiek Mizoram hnuaia sak Thenzawl Wellness Centre chu nimin khan Tourism Minister Robert Romawia Royte chuan a hawng.
CMO thar in a hna a zawm ta
Serchhip District Chief Medical Officer (CMO) tura ruat Dr. Lalzawmi chuan nimin khan a mawhphurhna a la ta a, December thla tawp-a Pension-a chhuak ta Dr. Laldawngliana Sailo chu a thlak a ni. Dr. Lalzawmi hi Health Department-ah Asst. Director leh State Programme Officer (EPI) ni thinin Serchhip-a a hna thar a rawn zawm hma hian State Immunization Office hna a chelh bakah COVID-19 Vaccine pek hna kalpui pawh a kaihhruaina hnuaiah thawh a ni a. Nimin khan Serchhip CMO-a thawktute a kawm nghal bawk a ni.
Serchhip District-ah hri kai 102 hmuh belh
Nimin khan Serchhip District-ah COVID-19 hri kai mi 102 zet hmuhchhuah belh leh niin mi 3 enkawl dam an ni thung.
Assembly-a thawk ten inhlanna an nei
Mizoram State Legislative Assembly-a thawktute chuan nimin khan Assembly Annexe Conference Hall-ah inhlanna leh infuihtharna hun an hmang a, Assembly Speaker Lalrinliana Sailo leh Deputy Speaker Er. Lalrinawma te pawhin an telpui a ni.
Home Minister in tanpuina pe
Home Minister leh Hrangturzo bialtu MLA Lalchamliana chuan tunhnaia a bial chhunga hri leng tuar khaw hrang hrangte tan nimin khan tanpuina a pe.
Kum 15-18 te COVID-19 hri danna pe dawn
Sawrkar laipui ruahmanna anga kum 15 leh 18 inkar te hnena COVID-19 hri danna pek mek chu Vawiin hian Serchhip District-ah pawh kalpui tan a ni dawn a, hri danna hi Serchhip khawpui chhung hmun 4-ah pek phawt tura ruahman niin chawhma dar 11:00 hian District Bawrhsap Kumar Abhishek chuan PES New Serchhip-ah a hawnna a nei ang.