Lenkawl

Independence Day Football Tournament chu nimin khan Quarter Final khelh zawh niin New Serchhip FC, P&E Veng FC, Hmar Veng FC leh AWC FC ten Semi Final an lut.

MSU Regional Hqrs. Lunglei chuan tun dinhmunah Official-a chhinchhiah danin Lunglei District-ah dan lova khaw din 12 a awm mek thu an sawi.

BJP Mizoram Pradesh chuan sawrkar laipui in India ram danpui Article 370 leh 35A a nuaibo ta chu lawmawm an tih thu sawiin, Central sawr-kar in Article 371 hnawlin, India hmarchhak mipui te dinhmun pawh a ti derthawng dawn nia sawi chu mipui rilru hruaisual tumna niin an sawi.

MZP in Zirlaibu-ah Zo hnam ziarang \hahnem zawk telh a nih theih nana hmalak an lo rel tawh angin nimin khan hemi chungchang hi MZP General Hqrs. hruaitute chuan School Education Minister, Lalchhandama Ralte hovin an sawiho.

Serchhip-a awm 8th Bn. Assam Rifles te chuan nimin khan St. Joseph’s School, Zo-khawthar-ah lem inziahsiakna an buatsaih. 23 Sector Assam Rifles/IGAR (E) hnuaia awm 8th Assam Rifles in India Independence Day vawi 73-na lo thleng tur puala zirlai naupangte tan lem inziahsiakna an buatsaih ah hian zirlai naupang 188 zet telin lawmman semna neih nghal a ni bawk. Zokhawthar-a Zirtirtu leh zirlaite chuan hetianga Assam Rifles ten India Independence Day puala zirlai naupangte tana intihsiakna an buatsaih chu lawmawm an tih thu an sawi bawk.

National Rural Livelihood Mission (NULM) hnuaia Serchhip khawpui chhunga Self-Employment Programme (SEP) a\anga Individual Enterprise Loan la turte tana Entrepreneurship Development Programme (EDP) Training chu nimin khan Serchhip UD&PA Conference Hall-ah chhunzawm leha zawhfel a ni a. Nimin a he Training-ah hian chawhma lamah Financial Literacy Campaign neiin chawhnu lamah sawihona hun hmangin zawhna leh chhanna hun hman zui a ni a. Hemi hnu hian a kharna hun tawi hmangin he hunah hian Serchhip DUDO, Vanthangpuii chuan he training a tel te hnenah hian Certificate a hlan nghal bawk.

Mizoram Police Wives Welfare Association (MPWWA) Serchhip Unit chuan nimin khan an dinchampha vawi 4-na an lawm.

National Deworming Day (NDD) pualin nimin khan Serchhip-a naupang kum khat a\anga kum 19 inkarte hnenah Rulhut hlo pek beihpui thlak a ni.

Nimin khan All Mizoram Farmer Association (AMPFA) chuan thuthar thehdarhtute kawmin, Mizoram-a Ar vulha eizawng mek ten harsatna an tawh mek thu leh an Ar lian hralh rual tawh tam tak chu hralh hleih theih lohvin a bawk \hup niin an sawi.

Environment, Forests & Climate Change Department chuan nimin khan Aizawl-a PCCF Conference Hall-ah Review Meeting neiin he hun hi EF&CC Minister, TJ. Lalnuntluanga chuan a hmanpui.

Mizote zalenna sual laia nunna thapa Arakan a\anga China thleng ke-a kal hnam sipaite chawimawina leh ram leh hnam tana hma an lo laknate pholanna, 'Meet the Heroes: Peace Pays' inkhawmpui chu nimin khan Aizawl-a Vanapa Hall-ah neih a ni a, Chief Minister, Zoramthanga chuan khuallian niin a hmanpui.

Serchhip District Football Association in an buatsaih, Independence Day Football Tournament khelh mekah Vawiin hian Quarter Final khelh a ni dawn ta a. He Tournament khelh mekah hian 1st Division Team 8 zingah Team 7 la damin 2nd Division Team zingah P&E veng FC an la dam bawk a. Zing dar 9:30-ah inkhel hi \anin New Serchhip FC leh FC Serchhip Kawn-pui an inhmachhawn anga, Chanmari FC vs P&E Veng FC, Hmar Veng FC vs Vengchung FC leh Bungpui FC vs AWC FC te an inhmachhawn ang.

F. Lalchhandama (Papuia) Memorial Independence Day Celebration Football Tournament for Veteran khelh mekah Serchhip Veteran FC chu Final thleng zo lovin an tla.

 National Handloom Day vawi 5-na chu nimin khan Aijal Club Conference Hall-ah neih a ni a, Commerce & Industry changtu Minister, Dr. R. Lalthangliana chuan a hmanpui a ni.

Nimin khan Saitual-ah Saitual Deputy Commissioner, C. Lalpeksanga leh Superintendent of Police, PC. Lalduhthlanga lawmna hun hman a ni a, bialtu MLA leh P&E Minister, R. Lalzir-liana chuan DC Office thar a hawng nghal bawk.

PHE changtu Deputy Chief Minister, Tawnluia chuan nimin khan Aizawl Chawnpui Veng-a a chenna In ah Tui bill pekna thar, Mobile Point of Sale (MPOS) a tlangzarh.

ZPM Legislature Party Leader, Lalduhoma chuan Jammu & Kashmir chungchanga Central sawrkar-in Article 370 a nuaibo ang hi kan chungah pawh thleng ve thei a ni, a ti.

Indian Medical Association (IMA) ten sawrkar laipui in National Medical Commission (NMC) Bill a pass tak duhloh lantirna atan tukin dar 6:00 a\angin darkar 24 awh lungawilohna lantir an tum chu sawrkar laipui in IMA duhdan hrang hrang ngaithlaa, he Bill a \halo an tih lai te siamrem a intiam avangin IMA chuan nawrh an tum chu kaltlangpui loh nise an ti a, IMA Mizoram State Branch pawhin strike neih a lo tum tawh chu \hulh anih thu an puang nghal bawk.

National Rural Livelihood Mission (NULM) hnuaia Serchhip khawpui chhunga Self-Employment Programme (SEP) a\anga Individual Enterprise Loan la turte tana ni thum chhung awh tur Entrepreneurship Development Programme (EDP) Training chu nimin khan neih \an a ni.

Kaw\halo natna laka naupangte an lo him theihna turin nimin a\ang khan Mizoram-ah Rota Virus Vaccine pek beihpui chu thlak \an a ni a, Serchhip District-ah pawh he beihpuithlakna hi a hawnna tawi Serchhip District Bawrhsap, Sangchhin Chinzah hova neiin naupangte hnenah hri danna pek nghal a ni.