Lenkawl

Sports Minister, Robert Romawia Royte chuan Pathian zarah Field chhawng nei tura hma an lakna chu a hlawhtlin thuai a beisei thu sawiin, “Theihloh tura ngaih ti mai thei CM kan nei hi kan vannei hle a ni,” a ti.

PRISM President, Vanlalruata chuan kumina Mizoram Budget chu State kan nih hnua Mizoram Budget chhe ber nia sawiin, Sawrkar pawhin a zahpui a, Vawiin thleng hian Finance Department website-ah pawh a la tarlang ngam lo niin a sawi.

ZPM Leader, K. Sapdanga chuan Election Commission of India (ECI)-ah Zoram People’s Movement (ZPM) Registration chu tihfel thawkhat a nih tawh thu a sawi.

Serchhip District-a SP thar, Karthik Kashyap IPS chuan a hna thar a rawn zawm hnuah Vawiin chawhma dar 11:00 hian a Office Chamber-ah Serchhip Districr NGO Coordination Committee hruaitute a kawm dawn a. Police Department leh NGO te thawhhona chhunzawm zel dan turte a sawipui ang.

Mizoram-a Petrol rawn phurluttu, Mizoram Oil Tanker Driver Association ten thilphut an neih avanga Zirtawpni a\anga Mizoram-a Petrol leh Diesel an rawn phurhluh duhloh avangin Ser-chhip Petrol Pump-ah tuialhthei a tlem chho zel a, hei vang hian nimin a\anga khan Petrol chu sawrkar lamin control in Diesel erawh dan pang-ngaia pekchhuah zui a ni thung.

Synod Bookroom chuan nimin a\ang khan Mizoram chhunga Synod Bookroom Branch hrang hrangah an thil zawrh te a man tlawma hralhna hun an buatsaih a, Synod Bookroom Serchhip Branch-ah pawh Reduction Sale hi buatsaih niin tunkar Inrinni thleng awh turah hian Synod Bookroom-a thil zawrh hrang hrangte chu a man pangngai a\anga za zela 5 a\anga za zela 80-a tlawmin zawrhchhuah a ni dawn a, an thil man tihhniam zingah hian Holy Bible hrang hrangte chu za zela 5-a tlawma zuarin Kohhran mamawh hrang hrang lehkhabu te pawh za zela 5-a tlawmin zawrh a ni a, Kristian Hla Bu, School naupang mamawh hrang hrang leh Lehkhabu dang bakah Office mamawh bungrua hrang hrangte za zela 10-a tlawmin zawrh a ni thung anga, Synod Publication Board in lehkhabu an tihchhuah hrang hrangte pawh za zela 5-80 in tihtlawm a ni bawk.

Sawrkar document pawimawh, kan ram leh hnam rohlu thuziak te Computer hmanga \ha taka dah\hatna tur 'Digitization of Archives' chu nimin khan Art & Culture Minister, R. Lalzirliana chuan a hawng.

I&PR Minister, Lalruatkima chuan zirna, hmasawnna leh hnam thilah Chief Minister, Zoramthanga kaihhruai sawrkar chu Mizo mipuite tana \ha ber tur ang zelin a kal dawn tih a sawi.

Mizoram Mistiri Association General Hqrs. hruaitute chuan kan ramah hna tam tak, mi taima tana thawh sen loh a awm tih sawiin, tharum hmanga ram leh hnam humhalh chauh ni lovin taihmakna leh thiamna hmanga humhalh turin Mizoram mipuite an sawm tih an sawi.

Thenzawl-a Horticulture College sak mek chu Zirtawpni khan Mizoram Horticulture Service Association (MHSA) leh Mizoram Agriculture Service Association (MASA) hruaituten tlawhin a dinhmun an enfiah a, tun a\anga kum 1 hnu velah hawn theih beisei a ni.

Mizoram sawrkar chuan tunhnai khan Mi-zoram-a Forest Officer \henkhat awmna siksawiin Thenzawl DFO, Lalduhthlana chu Champhai-ah DFO hna chelh tura sawn a ni a, a aiawh tur hian Margaret Lalchhandami chu dah a ni bawk. Ani bakah hian North Vanlaiphai DFO, Laltlanhlua Zathang chu Kolasib-ah sawn niin a aiah hian Jenny Sailo chu dah a ni bawk.

Tunhnai khan Mizoram sawrkar chuan PHE Department-a Engineer engemaw zat awmna a siksawi a, PHE Serchhip WATSAN Division-a SDO mi pathum (3) te awmna pawh tih danglam vek niin Serchhip-a SDO (M), K. Lalrintluanga chu Aizawl Water Distribution 'S' Sub-Division-II ah SDO hna chelh tura sawn a ni a, a aiah hian East Lungdar WATSAN Sub-Division-a SDO nilai, Samuel LR. Ralte chu a rawn awm anga. East Lungdar-ah hian PB. Lalnunsanga chu SDO in a awm thung ang. Tlungvel WATSAN Division-a SDO nilai, Michael Vanlalhlua chu AE turin CE Zone-I ah sawn niin a aiah hian R. Zoramsangi chu a rawn awm bawk ang.

Tunhnaia Mizoram-a Oil phurluttu Tanker Driver ten load an lak duhloh avangin Inrinni a\ang khan Serchhip-a IOC Petrol Pump-ah Petrol leh Diesel la tur tan bur dang-a dawh khap a ni a, Petrol leh Diesel te hi Petrol Pump-ah litre 3000 a awm chinah sawrkar in a hralh dan khuahkhirh \hinin tunah hian Serchhip-ah hian khuahkhirh la ni lo mah se Vawiin lama an hralh dan a zirin chawhnu lamah chuan Control a ngai mai thei nia thudawn a ni.

Tunhnaia Serchhip Bazar leh a chhehvela dawr \hahnem tak rawktu nia hriat Roshan Maitei (38), Serchhip Bazar Hnuai chu nimin tlai khan a chenna In a\angin Police ten an man a, a thilruk nia ngeia hriat te pawh man nghal a ni bawk.

Mizoram leh Assam inrina, Lailapur bulah Assam Forest Department in hma thar an la nia hriat a nih avangin Inrinni khan ramri-ah buaina tenau a chhuak a, boruak duhawmlo erawh a thleng zui lo.

Chief Minister, Zoramthanga chuan Inrinni khan MHIP Zemabawk Branch ten MHIP Day vawi 45-na an lawmna chu khuallian niin a hmanpui.

Inrinni kalta, July 6, 2019 hi Mizoram-a Hmeichhiate insuihkhawmna Pawl lian ber, MHIP dinchampha vawi 45-na a ni a. Mizoram hmun hrang hrangah MHIP Day hi lawm niin Serchhip khawpui chhunga MHIP Branch 19 te chuan a huho a hmangin I&PR Minister, Lalruatkima chuan khuallian niin a hmanpui.

Serchhip Heritage Society (SEHSO) buatsaihin nimin khan Ser-chhip-ah Serchhip Heritage Day hman a ni a, I&PR Minister, Lalruatkima chuan khuallian nia hmanpuiin bialtu MLA, Lalduhoma chuan khual zahawm niin a hmanpui bawk.

Vawiin July 6, 2019 hi Mizoram-a Hmei-chhia insuihkhawmna pawl lian ber, Mizo Hmei-chhe Insuihkhawm Pawl (MHIP) dinchampha vawi 45-na a ni a, Serchhip-a MHIP Branch 19 te chuan a huho in Ramlai Community Hall, Chhiahtlang-ah hmangin I&PR Minister, Lal-ruatkima chuan khuallian niin a hmanpui ang.

Serchhip bialtu MLA, Lalduhoma leh Ser-chhip-a rawn zin, Agriculture Minister C. Lal-rinsanga te chuan nimin khan Serchhip Mat phai Chawm Kai-a Lei dawh hna thawh mek chu an endun a, bialtu MLA chuan Zuangleng zau-a Tui lakna ti changtlung tura Project lian zawka hmalak a nih hmain he tuilak in a chawm theih tur leh kut la thlak lohna ah Land Development kawnga hma lak hmasak a \ul thu alo hrilh a ni.