Assam Forest Department hmalakna thar avangin State pahnih ramri-ah buaina tenau a chhuak

Mizoram leh Assam inrina, Lailapur bulah Assam Forest Department in hma thar an la nia hriat a nih avangin Inrinni khan ramri-ah buaina tenau a chhuak a, boruak duhawmlo erawh a thleng zui lo.

Mizoram leh Assam ramri-ah Assam Forest Department in hma thar a la tih hriat a nih veleh hian Vairengte mipuite chu a hmunah kalin thil awmdan an enfiah nghal a, Lailapur mi te nen inhnialbuai deuh mah se buaina nasa zawk thleng lovin mipuite chu sawrkar hotu ten an khap dai thei a ni. Vairengte SDO (Civil) Isaac Lalrempuia’n thuthar thehdarhtute zawhna a chhan danin Lailapur bula assam Forest Department building luah tawhloh chu tunhnai khan chei \hat a ni tih hriat a ni a, hei hi Inrinni zing dar 9:30 vel khan Vairengte SDO (Civil) hovin Vairengte SDPO ten an enfiah a, Assam Forest Department chuan helai hmuna Forest Department building hi sipai an luah tir \hin a. Sipai ten an chhuahsan hnuah Assam Forest Department hian building chung leh kawngkhar chhia te an chei\ha tih an lo hrilh a ni.

He hunah hian Mizoram sawrkar aiawhte chuan tunhma a\angin ramri buai a awm tawh \hin avang leh Cachar DC leh Kolasib DC inbiakna dinglai-ah ramri-a hma thar lak a nih dawn reng rengin inhriattir hmasak tur tih a nih avangin Assam Forest Department lamin Mizoram sawrkar hotute hriattir hmasa lova hetianga hma an la chu \halo an tih thu leh an hmalakna chu chawlhsan se an duh thu an sawi ve thung a ni. Vairengte SDO (Civil) chuan he thil thleng hi Inrinni vek khan Kolasib DC, Zoengsanga hnenah hriattir nghalin DC hian thil awmdan enfiah turin Vairengte hi a pan ve nghal bawk.

Vairengte SDO (Civil) Isaac Lalrempuia chuan kumin kumtir lam khan Assam Forest Department hian helai-a an hmun hlui hi hung an lo tum tawh thu leh hung an phalsak loh tawh thu a sawi a, tun \uma ramri buaina an tawh hian Assam Forest Department-a RO nen an inhmuh thu leh Dholai-a inbiak a rawt thu sawiin, a pantu nih a tumloh thu leh thuneitu sang lam inbiakna tur a nih thu a hrilh tih a sawi a. Helai hmuna Assam Forest Department hmalakna chu thil pui tham tak ni lo mah se tunhmaa thuthlung awmsa bawhchhiatna a nih avangin hmalak tir an remti lo tih a sawi bawk.