ECI-ah ZPM Registration tifel thawkhat a ni

ZPM Leader, K. Sapdanga chuan Election Commission of India (ECI)-ah Zoram People’s Movement (ZPM) Registration chu tihfel thawkhat a nih tawh thu a sawi.
Nimin-a ZPM Chhung Inkhawm ah ZPM Leader, K. Sapdanga hian thu sawiin, kar kalta chhung khan Election Commission of India-ah ZPM Registration buaipuiin Dr.Vanlalthlana, MLA nen New Delhi-ah an kal tih sawiin, “ECI hian hearing nei turin min ko a, tihtur zawng zawng kan tifel a, ‘ngaihngam takin lo awm rawh u,’ tiin min thlah a, kan chhawlchhin a ni,” a ti a. Pathian in a rem tilo a nih ngawt loh chuan ZPM Party a piang dawn tih sawiin, “ZPM hi party a nih hma hauh pawhin MLA pariat (8) lai mipuiin min pe tawh a ni. Mipuiin ZPM party piang tur an hmuak a, kalna apiangah ZPM party pian dan tur zawhna kan dawng. Mizoram pawn lama mite pawhin ZPM party piang tur an nghakhlel hle,” a ti a. “Sawrkar liamta ah leh sawrkar dinglaiah mipuiin an duh an hmu lo. Kalphung thar, mipui Sawrkar ngei mipuiin an hmu duh. State pachhe berah fiamthu thawh Sawrkar a ding a, kum 2023-ah chuan patling sawrkar a ding tawh ang; a fail thiang tawh lo,” a ti bawk.
He huna thusawitu dang, Dr.Vanlalthlana MLA chuan Budget Session an neih zawh takah mipui hnen thleng phak nasa taka tihkiam a ni chu pawi a tih thu sawiin, “Zoram mipui 60% innghahna Agriculture Department-ah 23.38% a tihniam a ni a. Hetiang bawk hian Department dang 10-ah tihhniam a ni bawk a. |halaite sports lama innghahna Sports & Youth Services Department-ah pawh 33.97% a tihhniam a ni bawk,” a ti a. “Kan sawrkar thar hian THINGKHAWN Budget System an han hmang a, Finance Department Thingkhawn ami chu kan Minister-ten an han inchuh dawn a ni a. He System hi a fuh ang em tih chu kan la thlir zel dawn a ni. He system \hatlohna chu sawrkar Department-ten an hnathawh dan tur ruahmanna an siam lawk thei dawn lo hi a ni” a ti bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia