Dawr hrang hrang rawktu a puh Police ten an man

/
Tunhnaia Serchhip Bazar leh a chhehvela dawr \hahnem tak rawktu nia hriat Roshan Maitei (38), Serchhip Bazar Hnuai chu nimin tlai khan a chenna In a\angin Police ten an man a, a thilruk nia ngeia hriat te pawh man nghal a ni bawk.
Thudawn danin May 13, 2019 zan khan Serchhp Bazar leh Bazar Hnuai-a dawr \henkhat chu rawk a ni a, hei mai bakah hian Serchhip Bazar-a Hardware dawr pakhat pawh rawk fo niin Police te chuan an chhui reng a. Amaherawh chu pawikhawihtu hi man a nih lawk loh hnuah nimin khan Police te chuan dawr rawktu nia hriat hi an man ta a, a kut a\ang hian Sana bun chi leh a battery te, Motor parts te, nepnawi dawr thil chi hrang hrang leh Cosmetic te, Emergency Light, In sakna bungrua leh dawr kawngkhar kar chhiat nana a hman Perek phawina Thirtiang kak te man tel a ni bawk.
Dawr rawktu hian heng thil an man te hi a dawr rawk a\anga a lak ngei a nih thu sawiin, Hardware dawr erawh a rawk loh thu a sawi thung a. Amah hi Thing Mistiri anga khawsa \hin niin P&E Veng bakah Venglai-ah te pawh alo khawsa tawh a. May 13 zan-a heng dawr hrang hrangte rawk a nih \um pawh khan Police te chuan rin-hlelh thil-ah man tawhin a chenna In dap ah engmah hmuh a nih loh avang leh amah a inpuan bawk loh avangin chhuah tir leh a ni a. Nimin khan a \hen-awm hnaia mi ten tuna a In luah bul lawka a In luah hlui bulah dawr rawk-a thil bo nia hriat te an hmuh chu Serchhip-III VC leh Chhim Veng Branch YMA hruaitute hriattirin Police te koh an ni a, Police te hian an dapna ah heng a thil ruk te hi an manchhuak ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »