Digitization of Archives hawng

Sawrkar document pawimawh, kan ram leh hnam rohlu thuziak te Computer hmanga \ha taka dah\hatna tur 'Digitization of Archives' chu nimin khan Art & Culture Minister, R. Lalzirliana chuan a hawng.

Archives Hall, Babutlang-a 'Digitization of Archives' hawnna hunah hian Art & Culture Minister chuan Digitization of Archives chu hmalam pana ke kan penna kawnga thil pawi-mawh tak a ni tih sawiin, tuna an hawn chu sawrkar Department hrang hrangte tana kawng sat kawtu ni se a duh thu a sawi a. Khawvel ram changkang hmasa te chu sawiloh, kan \henawm State Assam pawhin an sawrkar record mai bakah mimal in an kawl record te pawh an State archives-ah dahkhawmin an digitize vek tawh a. State Archives dang engemawzat in an record te digitize in hma chak takin an la chho mek bawk a, hetih ruala keini pawhin kan tihlawhtling chho thei chu a lawmawm takzet tih a sawi bawk.

Mizoram State Archives hi Education Department hnuaia State Museum-ah kum 1979 a\angin bul\an a ni a, tunah hian Babutlang-ah an awm mek a. Hmun hrang hrang a\angin record/document te an lakhawm a, tunah hian Department 21 a\anga file pawimawh lakkhawm an vawng \ha mek a, a tlangpuiin hengte hi British ho hunlai leh District Council hunlai ami a ni.

Mizoram sawrkar chuan document leh record vawn \hat a pawimawh zia hriain Mizoram Public Records Act 2011 leh Mizoram Public Re-cords Rules 2014 a lo buatsaih tawh a. A \ul anga bawhzuia hma la turin Art& Culture Department chu ruat niin Mizoram sawrkar hnuaia Department, Autonomous Body, Municipal Council, Corporation bakah Sawrkarin a din Committee reng reng chu te chu he dan hian a phuar bakah an record te chu Mizoram State Archives ah vawn \hat reng tawh tura thehluh ngei ngei tur a ni. Nimin a hawn tak Digitization of Archives hi Mizoram sawrkarin Rs. 38,33,000/- a pek a\anga siam a ni.