Field chhawng puitlin beisei

Sports Minister, Robert Romawia Royte chuan Pathian zarah Field chhawng nei tura hma an lakna chu a hlawhtlin thuai a beisei thu sawiin, “Theihloh tura ngaih ti mai thei CM kan nei hi kan vannei hle a ni,” a ti.
Nimin a MNF Party in Aizawl Mizo Hnam Run-a Chhung Inkhawm an neih ah Sports Minister hian thu sawiin Elevated Football Ground hi khawvel hmundangah pawh a awm nual tawh tih sawiin, Zarkawt-a High Field chu |hal laiin a vaivut nasa lutuk a,Fur laiin a diak nasa bawk. A chhehvel leh CMO thlengin a tibal tih a sawi a. “Kan CM leh Dy. CM hova rel angin he Field-ah hian a ban kan phun anga, a chung slap zawlah Astro Turf phahin Field siam kan tum. A hungna design \ha tak nen, a hnuai chu Parking atan te, Office atan te, Tui dahkhawl nan te pawh kan hmang thei ang,” a ti a “Tuten emaw kan hmalak tum dan hi nuihza siam nan leh theihloh anga sawi an awm a ni mai thei; kan Chief Minister kaihhruaina hnuaiah hian theihloha mi ngaih pawh a lo hlawhtling tawh \hin,” a ti bawk.
Robert Romawia Royte chuan Budget Session neih zawh takah a Department chan-a sum ruahman ah vui puitu an awm zeuh zeuh tih pawh sawiin, heng te hi Chief Minister a sawipui tawh thu leh a \ul angin a pekbelh nual tawh tih a sawi a. “Session-ah khan Sports-ah cheng nuai 1000 min pek belh thu ka puang a.Tourism-ah pawh cheng nuai 100 Zofate insuihkhawmna leh Tourism tihhmasawnnan min pekbelh nghal bawk a, a \ul angin Finance Department a\angin min pekbelh zel tur thu a sawi bawk,” a ti a. An Budget a tlem avangin awm mai mai an tum loh thu leh Zoram pawn a\anga sum hmuh dan tur dapin an \ang zual sauh dawn tih sawiin, Union Sports Minister, Kiren Rijiju a hmuh thu leh DoNER Ministry leh NEC-in kum 2018 a\anga Sports an puih theihna an titawp chu diklo a tih thu a hrilh tih a sawi bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia