Horticulture College sak mek a hmunah tlawh

Thenzawl-a Horticulture College sak mek chu Zirtawpni khan Mizoram Horticulture Service Association (MHSA) leh Mizoram Agriculture Service Association (MASA) hruaituten tlawhin a dinhmun an enfiah a, tun a\anga kum 1 hnu velah hawn theih beisei a ni.

Thenzawl Vengthar-a Horticulture College sak mek tlawhtute hnenah hian Contractor chuan, ruahtui tlak tam avanga hmanraw lakkhawm lamah harsatna an tawh \hin avangin hun bituk chhunga an zawh hman loh an rin thu leh a \ul anga hun pawhsei dil belh an tum thu an sawi.

Thenzawl-a Horticulture College hi hmarchhak state te tana tih deuh bik ni mah se, ICAR hnuaiah State dangte tan All India Reservation Seat 2 dah a ni a, tunah hian zirtirtu 9 an awm mek a ni a. Tunah hian College tur hi sak mek ni chauh mah se kum 2016 a\ang khan Selesih-a College of Veterinary Science-ah class \an a lo ni tawh a, Batch tinah zirlai 20 zel awm thei niin, tunah hian Batch 3 an awm tawh a, Batch hmasa berah zirlai 17 awmin, kumin hian an zirlai an zir zo tawh dawn a, tunhnai deuh khan zirlaite hi Selesih a\ang Thenzawl-ah hian an insuanlut tawh a ni.

Thenzawl-a Horticulture College Campus hi Square feet 20,000 a zau a ni a. Hetah hian Administrative Building, Class Room leh Laboratory Room bakah Mipa leh Hmeichhe Hostel Room 32, mi 64 awm theihna tur a hran ve ve a sak a ni a, contractor hi NPCC niin, a sak nan hian cheng vbc. 71 ruahman a ni a, hun ruat sa ang chuan tun a\anga thla 8 hnua zo hman tura tih a ni.