Latest News

State nih hnua Budget chhe ber a ni - Vanlalruata

PRISM President, Vanlalruata chuan kumina Mizoram Budget chu State kan nih hnua Mizoram Budget chhe ber nia sawiin, Sawrkar pawhin a zahpui a, Vawiin thleng hian Finance Department website-ah pawh a la tarlang ngam lo niin a sawi.
Nimin-a PRISM Party inkhawm ah PRISM President, Vanlalruata hian thu sawiin kumina Mizoram Budget chu lanmawi tir tuma diklo tih chiang sa a siam leh tarlan a ni tih sawiin, Hlawh te, Office enkawlna te, sawrkar hnathawk damlo enkawlna tur te leh inrelbawlna te indaihlo tur chiang saa duan a ni tih a sawi a. Hetianga an tih chhan hi hnathawhna tur tam awm taka lantir tum vang a ni tih sawiin, nakuma Budget Session awm leh hunah Supplementary Demand a tam dawn hle niin a sawi. Hetiang khawpa chhia leh zahpuiawm, sawrkar pawhin a zahpui avanga a tarchhuah ngam loh budget kan nei hial chung pawha opposition MLA ten Session-a a dikloh sawi tur an hre mumal lo chu zialo a tih thu pawh sawiin, kan MLA te an in zir taihmak a \ul thu a sawi a. PRISM Party chuan budget awmze nei, ram leh mipuiin hma kan sawnpui tak tak tur neih hun an nghakhlel hle tih a sawi bawk.

Comments

Popular News (Last 30 Days)