CM in MHIP Day lawmna hun a hmanpui

/
Chief Minister, Zoramthanga chuan Inrinni khan MHIP Zemabawk Branch ten MHIP Day vawi 45-na an lawmna chu khuallian niin a hmanpui.
Zemabawk YMA Hall-a MHIP Day lawmna hunah hian Chief Minister, Zoramthanga chuan he huna kalkhawmte chu MHIP Day chibai bukin, chhungkua leh khawtlang nun a hmeichhia an pawimawh thu a sawi a. Hmeichhia te chu chhungkaw tinuamtu ber an nih thu te, an \awngkachhuak leh midangte nen an indawr danah thui takin hlimna leh hlim lohna thlen theitu an nih zia hre reng turin a chah a. Tunlaiah zu leh ruihhlo in chhungkaw tam takah harsatna a thlen \hin thu pawh sawiin, chutianga buai chhungkua te chuan Pathian-a beiseina nghat tlat \hin tura chah in, sawrkar pawhin ruihtheih thil avanga buai, dam duh te enkawlna tur siamin hma a lak mek thu a sawi bawk.
MHIP Day lawmnaah hian Zemabawk MHIP Branch te chuan vengchhunga vohbikte leh kum 70 chunglamte hnenah thilpek hlanna hun siamin, Chief Minister chuan heng thilpekte hi a hlan a. Chief Minister hnenah hian Zemabawk Branch MHIP te hian CM Relief Fund a chhunluh turin cheng 5000 an hlan bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »