Taimakna leh thiamna hmangin ram leh hnam kan humhalh a ngai - Mistiri Association

Mizoram Mistiri Association General Hqrs. hruaitute chuan kan ramah hna tam tak, mi taima tana thawh sen loh a awm tih sawiin, tharum hmanga ram leh hnam humhalh chauh ni lovin taihmakna leh thiamna hmanga humhalh turin Mizoram mipuite an sawm tih an sawi.

Nimin-a Jemela Hotel, Serchhip Bazar-a Serchhip-a thuthar thehdarhtute an kawmna hunah Mizoram Mistiri Association General Hqrs. Vice President, CD. Lalthlamuana chuan khawvel-a Hnam boral tawh te kawng zawh hmasak chu hnathawh avanga inchimralna (Work Assimilation) a ni tih sawiin, Mizote chu tlemte kan nih avang leh kan hmasawnna avangin hnathawktu kan mamawh tam laiin \halai hna thawk peihlo an tam thu an sawi a. Heng kan mamawh min thawh saktu tur hian hnamdang kan chawkluh a ngai tih sawiin, hei hi kan hnam chhiatna leh boralna tur a nih thu a sawi a. Sawrkar, Kohhran leh YMA te pawhin Mistiri Training buatsaihin Mizo ngei chherchhuah \heuh an nih tawh avangin mahni hnampui ngei chhawr turin mipuite chu an ngen bawk.
MMA Vice President chuan Mizoram-ah hnamdang Mistiri Dan ang leh dan bawhchhia a lo lut an tam tawh hle tih sawiin, Dan lova rawn lut te chungchanga hma la zel turah sawrkar chu an beisei thu a sawi a. Hnamdang Mistiri in nasa taka min chim ta chu kan Hnam tan mualphona ah an ngai tih pawh sawiin, tharum hmanga umchhuah chi ah an ngaih tawh loh thu leh thiamna hmanga umchhuah tur nia an ngaih thu sawiin, chutiang tur chuan Mizo Mistiri leh \hangthar mi thiam zawk te chu kutthemthiamna hmanga hnamdang te umchhuak thei tura \an la turin an ngen bawk.
Mizoram Mistiri Association hruaitute chuan an pawl chu July 30, 2007 khan an din thu leh an pawl-ah hian In sa mi, lugrem mi, bungraw siam mi, rawnghnawih mi, thir leh Alluminium hmanga thil siam mi, lung chher thiam, Plumber leh Welder bakah Electrician zawng zawngte an tel theih thu sawiin, tunah hian Branch 65 ding tawhin member 3000 vel an awm tawh thu an sawi a, Mizoram hmun hrang hrangah an pawl chu an din belh zel thu leh Serchhip District-ah pawh Thenzawl, Khawlailung leh East Lungdar-ah te an din tawh thu an sawi a. Serchhip khua bikah chuan an pawl hi ala din loh thu an sawi.
An pawl chuan Mistiri te hnathawh dan leh hlawh chungchangah kalphung mumal tak an neih thu pawh sawiin, Mistiri te chuan an hnathawhna atana hmanrua an mamawh te chu an intodelh tlangpui laiin hnamdang Mistiri te chuan an neih ve loh avangin a chhawrtu ten an leisak \hin thu leh hlawhfa ruaitute tan \ul lova sum senna a nih thu an sawi a. Mistiri te chu nikhat ah darkar 8 hna thawk tura ngaih an nih thu te, hlawhfa ruaitute nen hlawh chungchangah inbiak fel hmasak a pawimawh thu te, Kristian te Ni pawimawh ah Mizo Mistiri te bakah hnamdang Mistiri te pawh chhawr loh a \hat thu te an sawi bawk.
Hei bakah hian Mizo Mistiri te chuan inzirna tur an neih ve thu te pawh sawiin Mizo-ram Mistiri Association hruaitute chuan, anmahni ruaitute lakah tlawm tak leh inphahhnuai \hin a pawimawh thu te, Mizote chu chau hnawp khawpa hna thawka chawl leh mai \hin kan ni chu bansana chawfak chawlh leh meizuk chawlh chu bansan a \ul thu bakah hna thawk buan buan lova hna uluk taka chawl lova thawh thiam te pawh an zir ve a \ul thu an sawi a. Mizo Mistiri tam tak ten an hnathawhna te thu awih har an ti \hin pawh sim a \ul thu sawiin, anmahni ruaitute duhdan a thawk tur an ni tih an inhriat a pawimawh thu an sawi bawk.
Mizoram Mistiri Association hruaitute chuan tunlaiah hnamdang ten |heka lovin hna an thawk mang tawhlo tih sawiin, hetiang bawk hian Mizo Mistiri te pawh ruai ve \hin turin Mizo mipuite chu an ngen bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia