Lenkawl

Chief Minister, Zoramthanga hova Council of Minister-te nimin-a thukhawm in COVID-19 leng mek vanga sawrkar sum renchemna tur rawtna an pawm.

Aizawl Civil Hospital tlawh

MZP buatsaih Lockdown denchhena Article Inziahsiak result puanna leh lawmman semna chu nimin khan Aizawl-ah neih a ni a, he hun hi Mizoram Youth Commission Chairman, Dr. Vanlaltanpuia chuan khuallian niin a hmanpui a ni.

Aizawl-a Sikulpui leh Sikulsen chu Mizoram sawrkar kut-a kum 68 zet a awm hnuah nimin khan Mizoram Synod kutah hlan let leh a ni a, Sikul hlan letna inkhawm hi Sikulpui Hall, Sikulpuikawn-ah neih a ni.

India hmarchhak State zinga a hmasa ber ni turin Mizoram chuan Thermal & Optical Bi-spectrum Camera a nei thar a, nimin khan Lengpui Airport-ah bun nghal a ni.

Serchhip District Police te chuan nimin khan Serchhip District chhungah The Mizoram (Containment and Prevention of Covid-19) Ordinance, 2020 bawhchhiaa vantlang hmuna Mask vuah loh mi 9 man lehin heng te hi Rs. 100/- theuh chawitir leh an ni a, heng an mi man te hi Chhingchhip-ah mi 8 leh North Vanlaiphai-ah mi 1 te an ni.

Nimin khan Serchhip District chhunga Quarantine Facility Centre-ah mi 9 dahluh thar leh niin heti hian Serchhip District-ah COVID-19 avanga inkunghrang mi 95 an awm mek.

Presbyterian Baktawng Venglai Kohhran te chuan Serchhip District chhung Quarantine Facility Centre hrang hranga awm mek te tan nimin khan chawhmeh chi hrang hrang leh pawisafai chu District Level Task Force on COVID-19 Chairman, Dr. Lalzirmawia Chhangte hnenah an hlan.

Malaria laka mipuite an him theihna tura Health Department hmalakna kal zelah tunlai hian Serchhip District chhunga khaw hrang hrangah Thosilen semchhuah mek niin Thosilen sem lohna khua ah te pawh damdawi hmanga Thosilen chiah hna thawh mek a ni.

Serchhip Tuikhuah Veng-a NH. 54 kawngpui tlahniam thin venna atana hnathawh mek chu nimin zing khan Serchhip Sub-Hqrs. YMA Vigilance & Monitoring Committee chuan enfiahin helai hmuna hnathawh te chu a tha thei ang ber thawh tum turin an ngen nghal bawk.

CM in NH. 54 a tlawh

Serchhip District Police te chuan nimin khan Serchhip District-ah The Mizoram (Containment and Prevention of Covid-19) Ordinance, 2020 bawhchhiat vanga man mi 4 chiah an nei a, heng te hi Vantlang hmun-a Mask vuahlo vek niin Chhingchhip-ah mi 3 leh North Vanlaiphai-ah mi 1 te niin Rs. 100/- theuh chawitir an ni.

COVID-19 avanga Serchhip District chhung Quarantine Facility Centre hrang hrang atanga chhuak mi 38 te chu nimin atang khan mahni In lamah inkhunghrang tura tih leh niin heti hian District pumah mahni In lama inkhunghrang mi 38 an awm mek a. Heng bakah hian sawrkar in inkhunghranna tur hmun a siama inkhunghrang mi 48 la awm mek bawkin inkhunghrang zawng zawng hi 86 an awm mek a ni.

MZP buatsaiha Serchhip District chhunga zirlaite tana Lockdown chhunga Article inziah-siak chu zawhfel niin lawmman pawh sem nghal a ni.

Serchhip Police Station-a thawktu mi pathum (3) te chu an hnathawh that avangin Police Station Level-a chawimawina (Reward) hlan an ni.

Serchhip District Civil Supply Officer (DCSO), C. Zadailova chuan Ration buhfai an sem mek chu AAY leh PHH Beneficiaries ten an sem dan hrechiangin an chan tur ang chang ngei se an duh thu a sawi.

Artui-a Lunglei District a intodelh theihna tura Lunglei High Power Committee (HPC) hmalakna atanga tharchhuah ‘HPC Artui’ chu nimin khan HPC Vice Chairman, Lawmawma Tochhawng chuan a tlangzarh. 

Mizoram Lokayukta chuan COVID-19 dona hmanrua, Personal Protective Equipment (PPE) leh hmanraw dang lei chungchanga thil fello lian tak a awm ngei ni a sawi chungchang chu chhuifiah a remti.

PRISM Party chuan Mizoram-a nitin mipui mamawh man pung nasa lutuk in mipui nâwlpui tân harsatna a thlen nasat avangin sawrkârin hmâ a lâk thuai a ngâi tih an sawi.

Transport Minister, TJ. Lalnuntluanga chuan Lockdown avanga Lirthei Chhiah a huna pe theilo te tan Chief Minister in Late Fee a ngaihhnathiam sak niin a sawi.