Lenkawl

School Education Minister, Lalchhandama Ralte chuan zirna \ha leh tluantling nei turin in-pekna a pawimawh a ni, a ti.

Ramlai Block MHIP chuan nimin khan Thenzawl-ah Ramlai Block MHIP Meet vawi 1-na hmangin he hun hi bialtu MLA, Lalduhoma chuan a hmanpui.

Ramlai Block MHIP chuan nimin khan Thenzawl-ah Ramlai Block MHIP Meet vawi 1-na hmangin he hun hi bialtu MLA, Lalduhoma chuan a hmanpui.

Mizoram State Election Commission chuan Sinlung Hills Council (SHC) inthlanna hmasa ber chu Nov. 5, 2019-ah neih a nih tur thu a puang ta a, he inthlanna chuh tumte tan hian tun thla ni 10 thleng hming pekluh theih a ni anga, ni 14 thleng inhnuhdawhna hun hawngin Nov. 8-ah inthlanna result hi puan a ni ang. SHC sawrkar-a Interim sawrkar Term hi Nov. 8-ah a tawp dawn a ni.

Serchhip Sub-Hqrs. YMA leh Serchhip Kawnpui North Branch YMA te chuan nimin a Serchhip-a rawn kal Mizoram Chief Secretary, Lalnunmawia Chuaungo chu Mizo mipui leh Ram leh Hnam tana hma a lakna chhuan-awm an tih thu sawiin, nimin khan chawimawina hlanin Tawlhloh puan an hlan bawk.

UPC (NEI) hnuaia Penticostal Youth Department (PYD) chuan kumdanga an lo tih tawh \hin angin nimin khan Vantlang tana thil \ha tihna Ni, Social Work Day hmangin Serchhip Sports Complex hmunhma an thianfai.

Serchhip Sub-Hqrs. YMA chuan nimin khan Sub-Hqrs. YMA Executive Committee (SEC) \hutkhawm neiin an hmalakna tur hrang hrang thlirin hmalak tawhna an thlirlet bawk.

Nehru Yuva Kendra (NYK) Serchhip District buatsaihin nimin zing khan Serchhip-ah Plastic bawlhhlawh chharfaia kawng zawhin Youth Club te hnenah infiamna bungrua semchhuah a ni.

Mizoram sawrkar in Mizoram-a khawpui fai inelna a buatsaih lawmman semna chu nimin zing khan Aizawl-ah neih niin Serchhip chuan District khawpui fai ber lawmman a dawng.

Mizoram UPC Serchhip Bial chuan nizan khan Christina Vanlalremruati chu China-a Missionary hna thawk turin an tirchhuak.

Govt. Midland M/S Serchhip chuan nimin khan an kum 50 tlinna, Golden Jubilee an lawm a, he hun hi Mizoram Chief Secretary, Lalnunmawia Chuaungo chuan khuallian niin a hmanpui a. Serchhip District paltlangtu NH. 54 laihzauh tur chu chak taka hna thawh a nih theih nana theihtawp chhuah turin Serchhip mipuite a sawm bawk.

India sawrkar inrelbawl dan leh Myanmar leh India sawrkar inlaichinna zirchiang tura rawn zin Republic of the Union of Myanmar sipai hotute leh Mizoram Sawrkar hotu pawimawhte chuan nimin khan Aijal Club Conference Hall-ah inkawmna an nei.

Parliamentary Processes and Procedures Training in Delhi ah - Laltlanthanga, Lunglei

Vawiin October 2, 2019 hi India Hnam pa, Mahatma Gandhi pianchampha a ni a, he Ni hi sawrkar Pisa chawlh-ah puan a nih angin sawrkar Pisa leh zirna In zawng zawng khar a ni ang. Mahatma Gandhi piancham denchhen hian Mi-zoram-ah chuan Faina Hapta hman \hin niin he Ni pual hian Aizawl-ah Mizoram khawpui fai inelna lawmman semna neih a ni dawn a, hei vang hian Serchhip-ah chuan a hranin Faina Hapta hawnna neih a ni dawnlo a ni.

Mizoram Chief Minister, Zoramthanga chuan nimin khan Aizawl Vanapa Hall-ah Mizoram State Health Care Scheme 2019-20 chu a tlangzarh.

Nimin khan I&PR Department leh MJA General Hqrs. chuan Bureau of Parliamentary Studies & Training (BPST), Lok Sabha Secretariat-a Mizoram Sawrkar tirha Parliamentary Studies Training te lawmna hun an hmang a, he hun hi I&PR Minister, Lalruatkima chuan a hmanpui a ni.

Niminpiah khan Council of Ministers chu Chief Minister, Zoramthanga hovin Chief Minister's Cabinet Meeting room-ah \hukhawmin sawrkar inrelbawlna pawimawh thil chi hrang hrang an ngaihtuah.

National Voluntary Blood Donation Day chu nimin khan ramchhung hmun hrang hrangah hman niin Serchhip-ah pawh Serchhip Blood Bank huaihawtin he Ni puala hun hman niin a thlawna thisen pekna hun buatsaih a ni bawk.

Tunhnaia Serchhip District chhung Kei\um khuaa naupang rukbo tumna awm nia Social Media hrang hranga lang chu nimin khan Ser-chhip Police ten chhui zuiin mipui himna turin theihtawp chhuahin hma an la zui.

Nimin Oct. 1, 2019 kha khawvel puma Upate Ni, International Day of Older Person niin Serchhip District SP, Sathiyasundaram chuan MUP District Hqrs. Serchhip hruaitute hnenah lawmpuina leh duhsakna a hlan a. He Ni hi Serchhip-a MUP Unit hrang hrangte chuan an remchan angin an lawm bawk.