Lenkawl

Mizoram Excise & Narcotics Department chuan Mizoram Assembly inthlanpui neih turah boruak ralmuang leh thianghlim tak hnuaia Mizoram mipuiin inthlanna dik leh fel kan neih theihna turin rampumah zu leh ruihhlo dapchhuah hna an thawk mek.

Mizoram Larsap, Kummanam Rajasekharan chuan Mizoram University-a Mizo Department, Mizo Academy of Letters (MAL), Govt. Saitual College leh Saitual Literature Club buatsaih ni 2 awh  'International Seminar Commemorating the Birth Centenary of L. Biakliana' chu nimin a ni 2-na Govt. Saitual College-a neih a hmanpui a,

Tunhnaia Serchhip-a eirawngbawlna Gas buk tlinglo manchhuah chu thawnlet tura tih ni mah se thawnlet ala ni lo a. Hei vang hian nimin a Chanmari Veng-a Gas sem turah Gas lak tum \hahnem takin Gas an chanlo phah.

 Serchhip Hmar Veng Football Club chuan nimin khan an kum 25 tlin lawmna ruai nen an nei.

Tunkar Ningani tlai khan Serchhip District Election Officer, Sangchhin Chinzah hovin a Pisa ah Election Nodal Officer ten Meeting neiin an hna chanpual \heuha hma an lak tawh dante thlirho a nih bakah, inbuatsaihna kalpui zel dan tur an sawiho.

YMA General Conference neihloh kuma neih \hin, YMA Rorel Inkhawm chu a \um hnihna atan nimin khan Aizawl Vanapa Hall-ah neih a ni a, he huna ngaihtuah tura Agenda chhawpchhuah hrang hrangte chu bawhzui tura pawm niin YMA Kumpuan atan ‘Ram leh Hnam humhalh’ chu thlan a ni.

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists' Association President, Zonunsanga Khiangte chuan a hmanpui.

MNF President, Zoramthanga chuan MNF an sawrkar a nih chuan Saitual, Khawzawl leh Hnahthial District te chu an function tir ngei dawn tih a sawi.

Mizoram Assembly inthlanpui neih tura BJP aiawha Mizoram viltu, Himanta Biswa Sarma chuan BJP chu kristian tan a hlauhawm loh niin a sawi.

Nimin khan Mizoram State Archives Hall-ah Thu leh Hla lama tuimite pungkhawmin Gandhi-a Pual Hla Kutpui, 'Gandhiji Kavi Sammelan' an hmang.

Mizoram sawrkar Tourism Department bultumin kumin December ni 13 a\anga 15 chhung hian Tuirial Airfield-ah Winter Festival neih a ni leh dawn a. He Winter Festival hman dan tur relin nimin khan Organising Committee Member te chu Tourism Secretary, Esther Lalruatkimi hovin a Pisa-ah an \hukhawm.

Assembly inthlanpui neih tur atan Serchhip District-ah inbuatsaihna ngawrh taka kalpui mek niin nimin thleng khan Model Code of Conducts (MCC) bawhchhiatna thleng ala awmlo.

Nimin khan Tuikum Assembly Constituency Congress Block-I buatsaihin Chhiahtlang ah Election Campaign hawnna leh Political Training neih a ni a, he hun hi Congress MLA, KS. Thanga leh Rajya Sabha MP, Ronald Sapa Tlau te chuan hmanpuiin he biala Congress Candidate, Sangzela Tlau te chuan an hmanpui a ni.

Mizoram Chief Secretary, Arvind Ray chuan nimin khan Aizawl-a Chief Secretary Conference Room-ah ‘Mizoram Election E-Atlas Portal’ chu a taka hman theih turin a hawng.

Kumin sawrkar kum kalmek-a thla ruk (April-September, 2018) chhungin Mizoram-a Blood Bank 10 awmah Thisen Unit 13,991 pek ni tawhin heng zingah Unit 11,794 chu Voluntary Donation a ni a. Blood Bank hrang hrang zingah Serchhip Blood Bank chu thisen pek zawng zawng a\anga chhuta a thlawna thisen pek tamna ber a ni mek.

MNF Vice President, R. Tlanghmingthanga chuan MNF a lo sawrkar chuan thuneihna sem-zai (decentralisation of power) chu a takin an kalpui dawn tih sawiin, "Kan sawrkar chu a ruaitu mipui an ni ang a, a taka thawktu chu kan Minister leh MLA-te an ni dawn a ni," a ti.

Nimin chawhma dar 11:00 khan Serchhip DC’s Conference Hall-ah MLA inthlanpui lo awm tura Political Party hrang hrangten hma an lakna atana an hriat tur \ulte in hrilhhriatna hun chu Chuauhnuna, Addl. DC, Deputy District Election Officer ni bawk hovin neih a ni.

Assembly inthlanpui neih tur atan nimin khan Serchhip District Level Master Trainers Training \um hnihna neih a ni.

MIZOFED Serchhip Branch in nimin a ei-rawngbawlna Gas an sem tur chu buk tlinglo a tam avangin thawnlet tura tih a ni.

BJP National President, Amit Shah chuan nimin khan lehlanga Mizoram rawn tlawhin R. Deng\huama Indoor Stadium-ah BJP Booth Conference a neihpui bakah BJP Mizoram State Office a hawng a. Assembly inthlanpui neih turah MNF leh Party dang an thawhpui dawnloh thu a sawi.