FLAM in CM hnenah thlen

/

Former Legislators Association of Mizo-ram (FLAM) hruaitute chuan nimin khan Chief Minister Lalduhoma chu a Pisa-ah hmuin CM Relief Fund-ah Rs. 1,00,000/- an chhunglut a, Chief Minister chu an lawmpui thu leh a tulna apiangah a kaihhruai sawrkar chu an thlawp tlat tur thu an hrilh a ni. FLAM hruaitute hian Deputy Speaker pual Bangalow neih tul an tih thu te, MLA Hostel kan neih mek hlui tawh lutuk chu sak thar tul an tih thu leh an member te Medical Reimbursement chungchanga an harsatna te Chief Minister hnenah hian an thlen a. Chief Minister hian an thil thlen te chu a theih anga a lo bawhzui tur thu lo hrilhin, an ngaihpawimawh thil dangte pawh an sawiho bawk. FLAM-ah hian tun dinhmun ah MLA lo ni tawh 116, an nupui (kawppui) te nen an vaiin member 177 an awm mek a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »