MCDA General Assembly vawi 37-na neih a ni

Mizoram-a damdawi zuartute intelkhawm pawl, Mizoram Chemists & Druggist Association (MCDA) chuan nimin khan Dawrpui Multipurpose Centre-ah General Assembly vawi 37-na an hmang a, he hun hi Health & Family Welfare Department-a Joint Director (F&D) Lalsawma chuan khuallian nia hmanpuiin MCDA te chu sumdawng dangte ang lo takin mipui rawngbawltu, chhungkaw tin mamawh an nih thu a sawi a, dan phal loha damdawi ruihhlo zuarru te chu na takin sawrkarin a hrem zel thu leh an Drug License pawh cancel tawh an neih nual tawh thu a sawi a, Drug License chungchangah Sawrkar thar chuan khauh leh zual a tum chu lawmawm a tih thu a sawi bawk.

MCDA President Lalhruailiana Sailo chuan Pharmacist-te'n rawih man an inchhiar to ta lutuk chu an pawl tan phurrit a nih thu he hunah hian a sawi a, Pharmacist indaihloh avanga kawng dang dap tura sawrkar an ngenna a la hlawhtling thei lo chu pawi a tih thu a sawi bawk.

MCDA hi kum 1977 khan din tan a ni a, tun dinhmunah an pawl-a inziak lut, Damdawi License nei mi 4000 chuang an awm mek a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar