Health care Bill-ah cheng vbc. 91 chuang pechhuak

Mizoram State Health Care Society (MS-HCS) chuan kum 2023-2024 Financial Year chhung khan Mizoram-a sawrkar hnathawk leh an chhungte Damdawi In-a an inenkawlna Bill Rs. 91,16,40,547/- an pechhuak.

MSHCS thawktute sawi danin kum 2023-2024 Financial Year chhungin Mizoram Sawrkar hnathawk leh an chhungte damdawi In-a an inenkawlna bill an dawn, mi 16111 atanga bill thehluh thlingkhawm (claim amount) chu Rs. 1,06,18,43,779/- niin hemi atang hian Bill pekchhuah tawh zat ( Approved amount) chu Rs. 91,16,40,574 a ni a. Sawrkar hnathawk, Mizoram chhung damdawi In-a inenkawl mi 5350 bill chu MSHCS hian a dawng a, an chhungte mi 8877 inenkawlna bill an dawng bawk a ni. Heng bakah hian sawrkar hnathawk damlo, Phai-a refer te bill dawn zat chu mi 992 niin, an chhungte mi 892 atangin bill dawn tawh a ni bawk.

Mizoram chhunga sawrkar hnathawk, damdawi In-a enkawl bill dawn dan atanga a lan danin Thin tha lo an tam ber a, mi 374 an awm a, Zu vanga natna in dawtin mi 279 an awm bawk a, Chaw kawng Cancer 147 an awm bawk a ni. MSHCS thawktute chuan sawrkar hnathawk te'n an Bill sak theih an chhungte, refer ngai ah Hnute Cancer an tam ber a, Chaw kawng Cancer leh nau pai thei lo te'n an dawt bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar