Kolasib District-ah HIV hrik pai 1859 hmu tawh

Kum 2022 atang kumin March thla tawp thleng khan Kolasib District-ah HIV hrik pai 1859 hmuhchhuah an ni tawh.

Nimin khan Kolasib-ah District AIDS Prevention & Control Committee chu thukhawmin he huna tarlan a nih danin Kolasib District-ah hian June 2002 atanga kumin March thla thleng khan thisen 95,534 endik ni tawhin heng atang hian HIV hrik pai 1859 hmuhchhuah a ni a, thisen enfiah atanga za zelah 1.94 te chuan HIV hrik pai ang an ni. April 2023 atanga March 2024 inkara thisen endik 5578 awmin ART hmanga enkawlna pek mi 104 an awm a, HIV positive hmuhchhuah zingah kum 25 – 34 an tam ber a ni.

Nimin-a thutkhawm Kolasib DC Conference Hall-a neih ah hian Kolasib District Bawrhsap John LT. Sanga chuan insumtheihna leh fimkhurna hmanga hneh theih natna do tura ralthuam tha ber chu a hun taka inzirtirna tha inpek a nih thu a sawi a, Zirtirna tha hmanga Kolasib District hneh taka tuam tur chuan Sawrkar, khawtlang, Kohhran leh tlawmngai pawl te thawhho a pawimawh thu a sawi bawk.