Saitual DC in Sihfa leh Khanpui khua te a tlawh

Saitual District Bawrhsap Dr. Lalngura Tlau chuan nimin khan an District chhunga Sihfa leh Khanpui khuate tlawhin FOCUS hnuaia hmalakna te a enfiah.

Saitual District Bawrhsap hi Sihfa khua ah hian an khawtlang hruaitu ten lo dawngsawngin FOCUS hnuaia huan thlai nghet nei tura chhungkaw 15 thlanchhuahte hmalakna te an thlirho a, Bawrhsap chuan Sihfa khua chu Saitual chhehvel khuaah chuan thlai thar tam leh thawhhlawk tak an nih thu sawiin, FOCUS hnuaia an hmalakna ah Line Department ten theihtawp an chhuahpui zel tur thu a sawi a, mipuite chu ram an neih danah pawh tichhe zel lova hmun nghet neih zel chu an inzirtir a ngai tih a sawi bawk.

Saitual District Bawrhsap hian Khanpui khua a Multipurpose Co-operative Society ten FOCUS puihna hnuaia cheng nuai 25 senga Market Access Facility an din chu tlawh nghalin mipuite tan ranchaw siamna hmun tha taka an kalpui thei chu lawmawm a tih thu sawi a. Khanpui Multipurpose Co-Operative Society te hian kum 2023-ah bul tanin ranchaw quintal 110 an tharchhuak a, kum 2024-ah pawh Vaimim chi tha leiin a thlawnin Memberte hnenah an pe thin bawk a ni. Tunah hian Khanpui Multipurpose Society Board of Directors enkawlna hnuaiah Shareholder 297 awmin, Nominal Member 62 an awm mek a. Heng bakah hian Khanpui Multipurpose Coperative Society Ltd. hian PACS, Consumer Store, FPO (Animal Husbandary) Funded by NABARD te an enkawl bawk a ni.

Hei bakah hian Bawrhsap hian Khanpui khua a Cold Storage dah thar chu tlawh nghalin Cold Storage hi Lailak leh Khanpui khuaa Tomato chingtute tana an siam a ni a. Khanpui Multipurpose Co-Operative Society Ltd. hnuaia PACS (Primary Agriculture Credit Society) pawh a tlawh nghal bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man