ZORO hruaitu ten Chief Minister an kawm

/

Zo Re-Unification Organisation (ZORO) hruaitute chuan nimin khan Chief Minister Lalduhoma chu a Pisa-ah kawmin India Sawrkar in India leh Burma ramri hung (fencing) a tum chungchang leh Free Movement Regime (FMR) thiah a tum chungchang an sawipui.

ZORO hruaitute nen an inkawmna ah hian Chief Minister chuan India leh Burma ramri hung a nih loh nan leh zalen taka kan inkalpawhna dan, Free Movement Regime (FMR) hlih a nih loh nan Prime Minister te, Union Home Minister te leh Sawrkar laipui thuneitu hrang hrang a lo sawipui tawh thu sawiin, “Mizoram area bikah Border fencing ti lo tur leh zalen taka kan inkalpawhna dan Free Movement Regime(FMR) hlip lo turin ka lo ngen tawh a ni,” a ti a. “Mizoram bik chu han ngaichang phawt ila, Border fencing leh FMR hi an hlip lo mai awm mange ka ti a ni,” a ti bawk.

He hunah hian ZORO hruaitute chuan India Sawrkar in India leh Burma ramri hung (fencing) a tum leh Free Movement Regime (FMR) thiah a tum duh loh lantir nan May 16, 2024 (Ningani) khian Zokhawthar leh Vaphai hmuna Peaceful Rally neih tumin hemi chungchang hi Chief Minister hi an sawipui a, Peaceful Rally neih chu Chief Minister chuan tha tiin, Kawng hrang hranga kan tan tlan a ngaih thu leh kiltin atanga kan beih ho a ngaih thu a sawi bawk a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »