Serchhip-ah PARAKH District Level thutkhawm nei

Nimin khan Serchhip-ah Bawrhsap Paul L. Khuma hovin PARAKH District Level Dissemination Committee chu thukhawmin hmalak zel dan tur hrang hrang an sawiho.
Performance Assessment, Review and Analysis of Knowledge for Holistic Development (PARAKH) Test hi National Council of Educational Research and Training (NCERT) leh Ministry of Education hnuaia din niin National Education Policy 2020 (NEP 2020) hmalakna pawimawh tak pakhat a ni a. India ram pumah zirna sikul ten hma an lo sawn a, zirlaibu-a inziak ang ang naupangten an vawn (by-heart) piah lamah hriatthiamna thuk zawk leh a taka an hman tangkai theih tura zirna kalpui a, chhawr tlak thiamna pechhuak thei tura zirna kalpui chu a tum ber a ni a; naupangte thiam thil (skill) zirtir leh tihpun lam a kalpui uar hle a ni. PARAKH tehfung inang tlang siamin, India ram puma zirna School zawng zawngah pawl 3, pawl 6 leh pawl 9 zirlaite thiamna teh (assess) thin a ni.

PARAKH Rashtriya Sarvekshan-ah hian Serchhip District chu Mizoram-ah a sang pawl a ni a. Amaherawhchu, ram pum huapa tehna, National Level-ah an hniam tih hmuh a ni a. Nimin-a thutkhawm ah hian a chhante sawiho niin tanlak dan tur hrang hrang te an sawiho nghal bawk a. PARAKH Rashtriya Sarvekshan inpuahchahna atan Stage-wise Tentative Training nei tura ruahmanna siam nise tiin hetah hian training hlawk zawka an neih theih nan Stage tin (High School, Middle School leh Primary School) te hi hlawm 2-a then a ni anga, Subject-wise a training hi kalpui tum a ni.