Theihtawp kan chhuah zel dawn - MNF Vice President

MNF Vice President leh Leader of Opposition, Lalchhandama Ralte chuan kan ram leh hnam tan theihtawp an chhuah zel dawn thu a sawi.

    Nimin-a MNF Party in Mizo Hnam Run Inkhawm an neih ah Action Committee Chairman ni bawk Lalchhandama Ralte chuan ZPM sawrkarin Central duh dan leh mipuite rawn lova FCAA 2023 a pawm avangin Article 371G hnuaia ram neitu kan nihna a sut buai avangin Mizo mipuite thlavang hauh Total Bandh an neih dawn thu a sawi a. “FCAA 2023 hi kan hotute nen do tul kan ti a, sut leh a nih theihna turin Sept 3, 2025 khan Assembly Speaker hnenah Special Session kova ennawn leh turin kan lo thlen tawh a. Hun engemzaw chen kan ngaihchan hnuah kan ram leh hnam humhim turin Mizoram pum huap Total Bandh neih hi kan titlu ta a ni,” a ti a. “FCAA hnuaiah chuan Sixth Schedule hnuaia District Council thuneihna pawh a tiderthawng ta vek a, an hnukkir lo a nih chuan theihtawpin hma kan la zel dawn,” a ti bawk.