Aizawl-ah 'Khuado Pawi 2025' hman a ni

Zomi Cultural Society General Hqrs. Mizoram leh Zomi Cultural Society Aizawl Joint Committee tangkawp buatsaih 'Khuado Pawi 2025' chu Inrinni khan Bawngkawn South YMA Hall-ah hman a ni a, he hun hi Agriculture Minister PC. Vanlalruata chuan khuallian nia hmanpuiin Mizoram chu Zofate Jerusalem a nih avangin chhim, chhak, hmar leh thlang atangin kan kalkhawm a, kan chengho bawk a, Mizoram tan thil tha ti a malsawmna ni tura tangho turin kalkhawmte a sawm a ni. 

He hunah hian ZCS General Hqrs. Functional President T Thang pawhin thu sawiin Mizoram-a NGO hmalakna a bikin YMA programe leh hnatlanna ah neitu chan chang tura Kut hmangtute chahin, tlangnel takin programme awmah te tela theihtawp chhuahpui thin turin a fuih a. Ruihhlo leh khawtlang duh loh thilte laluttu ni lova, a dotu ni turin a chah bawk a ni. He Kut lawmnaah hian Hnam Lam chi hrang hrang entir niin zaithiamte an zai bawk a ni.