District Level Children Science Congress neih a ni

District Level Children Science Congress chu kar kalta Ningani, Oct. 23, 2025 khan BRC Hall, Serchhip-ah neih niin zirna In hrang hrangte an tel a ni.
Samagra Shiksha, Serchhip District leh Science Teachers` Association Mizoram (STAM) bultuma District Level Children Science Congress hi Samagra Shiksha Serchhip District-a Deputy District Project Coordinator PC. Vanlalluna chuan kaihruaiin Serchhip DEO leh District Project Coordinator JR. Lalhruai-tluanga chuan a hawng a, zirlai kalkhawmte chu Smart Phone leh Social Media te chu an hman thiam chuan an zirna atan a tangkai theih thu sawiin, a tha zawnga hman tum turin a fuih a. An zirlai te chu Exam-na atan chauh ni lo, thiamna tak tak nei tura an zir a pawimawh thu a sawi bawk.

Tun tuma District Level Children Science Congress-ah hian Elementary Section-ah Presbyterian English School (PES), Serchhip chu pakhatna niin pawisafai Rs. 5000 leh Certificate an dawng a, Govt. Baktawng M/S-I chu pahnihna niin pawisa fai Rs. 4000 leh Certificate an dawng bawk. Secondary Section-ah Marian H/S Serchhip pakhatna niin Rs. 5000 leh Certificate an dawng a, Govt. PCR H/S Ser-chhip pahnihna niin pawisafai Rs. 4000 leh Certificate an dawng a, Don Bosco School, Thenzawl pathumna niin pawisafai Rs. 3000 leh Certificate an dawn bakah School tel zawng zawng te hnenah Consolation prize Rs. 1500 leh Certificate pek vek an ni bawk.