Vigilance Awareness Week, 2025 pualin thutiam la

Nimin khan ‘Vigilance Awareness Week, 2025’ pualin Sawrkar Pisa hrang hrangah Vigilance Awareness Week thutiam chham rual a ni a, kumin-a he Hapta thupui atan 'Vigilance : Our Shared Responsibility' tih chu hman a ni.
Vigilance Week hi kumtin Sardar Vallabhbhai Patel-a piancham, October ni 31 huamchhunga hman thin niin nimin khan sawrkar Pisa hrang hranga thawktute chuan an Pisa theuh ah eirukna laka fihlim turin leh midang tana harsatna siam lo turin thu an tiam a. Thamna reng reng la lo tur leh midang thamna pe lo tur te, an hnathawh reng reng langtlang leh dik taka thawk tur te, midang nena thawhhona kawnga midang entawn tura nun hmang turte leh eirukna lam thil a thleng tih an hriat chu a hrilhna tur hnena hriattir turtein an intiam a ni. Serchhip-a sawrkar Pisa hrang hranga thawktute pawhin thutiam hi nimin khan an la a ni.

Vigilance Awareness Week hi sawrkar laipui-a Central Vigilance Commission thu angin kumtin Sardar Vallabhbhai Patel-a piancham (October ni 31) chhung khungin hman thin a ni a. Hlemhletna leh eirukna tibo tur leh a laka inthiar-fihlim tura inzirtir tharna leh intiam tharna atan hman thin niin kumin hian October ni 27 atanga November ni 2 thleng he Hapta hi hman a ni ang.