Ruihhlo do campaign ngawrh taka kalpui mek zel a ni

Zonuna Kawlni /

Sawrkar laipui hmalakna hnuaiah Nasha Mukt Bharat Abhiyan (NMBA)/Ruihhlo Do Campaign chu Serchhip District-a hmun hrang hrangah ngawrh taka kalpui mek a ni.
 Nasha Mukt Bharat Abhiyan (NMBA)/Ruihhlo Do Campaign kalpuina atan hian Serchhip District-ah thla ruk (6) chhung atan ruahmanna siamin NMBA kaltlang hian sawrkar mai bakah Kohhran leh khawtlang, tlawmngai pawl te nen tangrualin ruihhlo do hna hi ngawrh taka beihpui thlak mek a ni a. A bik takin School naupang te leh College zirlaite zingah te, Sunday School-a naupangte leh thalai inkhawmah te hmalakna kalpui neiin la kalpui chhunzawm zel tura ruahman a ni bawk.


He hmalakna hnuaiah hian ruihhlo la ti ngai lo ten an tihchhin lohna tur leh a ti mek te pawhin an sim theihna tura hmalakna kalpui mekah nimin khan Serchhip khawpui chhunga School pahnih Marian High School leh Govt. Serchhip High School-ah te Awareness Drive neih a ni a. Marian High School-ah hian Essay Writing Competition buatsaih niin Govt. Serchhip High School-ah hian Drug Awareness Programme neih a ni bawk a. He hunah hian Dr. Laldinpuia, Master Trainer on Ruihhlo Do chu Resource Person atan hmangin ruihhlo thatloh zia School naupang te a zirtir a. Heng School pahnih ah te hian ruihhlo chungchang, taksaa nghawng a neih dan te leh a thatloh zia inzirtirna lehkha ziak - flyer an sem nghal bawk a ni.

Hetihlai hian Nasha Mukt Bharat Abhiyan (NMBA) hnuaia hmalakna tura rawtna lut angin Gospel Camping liantham buatsaih chungchang ah Serchhip Bawrhsap chuan NGO hrang hrang leh Kohhran te ngaihdan a lakhawm mek a. Ruihhlo ngai te tana Gospel Camping buatsaih chu tha ti mah se sum tam tak sen a ngaih dawn avangin District chhunga Pisa, NGO leh Kohhran hrang hrang te nen thawhho a ngaih dawn avangin October 31, 2025 ralhmaa an ngaihdan thehlut turin NGO leh Kohhran te chu ngen an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »