Kum thar-a Chapchar Kut hman hun tur ti danglam

Kum 2026-a Chapchar Kut chu March thla Hapta hnihna ah hman tura ruahman a ni.

Nimin khan Chapchar Kut 2026 Organising Committee chu an Chairman leh Chief Minister Lalduhoma hovin Chief Minister Conference Hall-ah an thukhawm a, he hunah hian kumin (2025)-a Chapchar Kut hman dan thlirletin kumthar (2026)-a hman dan tur sawiho a ni a. Kumthar ah hian Chapchar Kut hi Hapta khat chhung awh leh tura duangin, hmun hran hrana programme buatsaih a, a ni pui ber ni khat chauh Lammual-a hman tura ruahman a ni a. A hun thuah KTP Inkhawmpui lian nen a inrual thin avangin kumtharah chuan March Hapta hnihnaa hman tawh tur a ni a, a lawmnapui ber chu March ni 13-ah Aizawl Sipai Lammual (ASL)-ah neih tur a ni.

Kumthar-a Chapchar Kut-ah hian Kut Pa atan Chief Minister Lalduhoma chu ruatin hmalak dan tur hrang hrang duan a ni a, kum hmasa lam ang bawkin Hnam pual Cultural Troupe te bakah NEZCC leh ICCR Cultural Troupe te sawm leh tur a ni anga. Chief Minister's Award, Chapchar Kut-a sem thin kalpui dan tur chu a chhuak tep bawk a ni.