Dampa Bial-a lansarh duh vanga Bandh nei ah puh

ZPM Thalaite chuan MNF Party in Total Bandh an huaihawt chu Dampa bial By-Election thlir chunga Mizoram mipuite mithmuha an party lansarh duhna niin an sawi.

Nimin-a thuchhuah an siamah ZPM Thalaite chuan Mizoram 9th Assembly Session-a Forest Conservation (Amendment) Act 2023 lungrual taka Legislators ten an Adopt-na duh lo a MNF party ten mipui khawsak nunphung tibuai zawnga Total Bandh an nei chu pawi an tih thu an sawi a, “MNF Party hian NDA-a Lok Sabha MP Pu C. Lalrosanga leh Rajya Sabha MP Pu K Vanlalvena ten 2023-a Forest Conservation (Ammendment) Bill an lo passed pui tawh leh 9th Mizoram Assembly Session-a MNF Party Legislature Member 10-ten lungrual taka Resolution an lo Adopt pui tawh chu October 29, 2025 (Wedensday) khan Total Bandh hmangin an rintawk lohna an ti lang a, hei hian MNF Party chhunga Legislators leh an Party hruaitute an inlungrual loh zia a ti lang chiang hle a, MNF hian an MP leh MLA te lakah No-Confidence Motion Total Bandh hmangin an Move-ah kan ngai a ni,” an ti.

MNF Party chaun Total Bandh an huai-hawt tak chu Forest Conservation (Amendment) Act 2023 duh lohna lantirna angin puangzar mah se an tum ber erawh Dampa bial Be-Election thlir chunga Mizoram mipuite mithmuha an party lansarh duhna a ni tih a chiang hle tih ZPM Thalaite chuan sawiin, “Media a kan lo hmuh angin MNF President Pu Zoramthanga an kawmna ah ‘(Total Bandh hi) a bik takin Dampa bial-ah phei chuan hei hi thil pawimawh tak, auring tak tur a nih kan ring’ tia a sawi hian a nem nghet hle bawk a ni,” an ti a. “Tunhnuah Political party tin ten hetianga mipui nunphung tibuai zawnga lansarh khelhna hi kalphunghlui zia a nih a vangin bansan vek tawh turin ZPM Thalai chuan kan ngen a ni,” an ti bawk/